15.11.2024 | 17:26
Կիմ Չեն Ընը հրահանգել է ԱԹՍ-ների զանգվածային արտադրություն սկսել
Նիկոլ Փաշինյանը իր կուսակիցների հետ քայլելով կանցնի Հայաստանի 7 քաղաքներով. ապրիլի 13-ին կհասնեն Ազատության հրապարակ
Քաղաքականություն
31.03.2018 | 12:40
«Քաղաքացիական պայմանագիր» կուսակցության առաջնորդ Նիկոլ Փաշինյանը քիչ առաջ Գյումրու Վարդանանց հրապարակից ներկայացրեց այն ճանապարհային քարտեզը, որով պայքարելու են Սերժ Սարգսյանի վարչապետի պաշտոնը ստանձնելու մտադրության դեմ:
«Գյումրիի Վարդանանց հրապարակից սկսում եմ 14-օրյա քայլարշավ դեպի Երևանի Ազատության հրապարակ՝ ընդդեմ Սերժի ու ՀՀԿ-ի»,- հայտարարեց Նիկոլ Փաշինյանը:
Նա նշեց, որ ոտքով անցնելու են Հայաստանի յոթ քաղաքներով, մասնավորապես՝ Գյումրի, Սպիտակ, Վանաձոր, Դիլիջան, Սևան, Հրազդան, Աբովյան և ապրիլի 13-ին ժամը 18:30-ին հասնելու են Ազատության հրապարակ:
Ընդդիմադիր պատգամավորն ասաց՝ ինքն այս կերպ անում է իր քայլը՝ ընդդեմ ՀՀԿ-ի և Սերժ Սարգսյանի վարչապետության՝ կոչ անելով քաղաքացիներին միանալ իրենց:
Թե ինչ են անելու ՔՊ անդամները Ազատության հրապարակ հասնելուց հետո, դեռևս պարզ չէ:
