29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Գլազգոյում 190 երկիր և կազմակերպություն խոստացել է հրաժարվել ածխից
Քաղաքականություն
04.11.2021 | 14:59
Ածխի խոշոր սպառողները, այդ թվում՝ Լեհաստանը, Վիետնամը և Չիլին, Գլազգոյում կլիմայական գագաթնաժողովի ժամանակ խոստացել են աստիճանաբար հրաժարվել ածխից։ BBC-ի ռուսական ծառայության փոխանցմամբ՝ այս մասին հայտնել է Բրիտանիայի կառավարությունը:
Ածուխը մոլորակի օդի ամենամեծ աղտոտողն է և գլոբալ տաքացման հիմնական գործոնը: Ընդհանուր առմամբ, 190 երկիր և կազմակերպություն որոշել է հրաժարվել դրանից։
Այնուամենայնիվ, խոշորագույն երկրները, որոնք մեծապես կախված են ածխից, չեն ստորագրել այս խոստման տակ: Դրանց թվում են Ավստրալիան, Չինաստանը, Հնդկաստանը և ԱՄՆ-ը։
Իսկ ստորագրողները պարտավորվել են հրաժարվել ածխից՝ էլեկտրաէներգիայի արտադրության մեջ ցանկացած ներդրումից, ինչպես միջազգային, այնպես էլ ներքին մակարդակում: Արդյունաբերական զարգացած երկրները պայմանավորվել են ածխից հրաժարվել մինչև 2030-ականները, իսկ ավելի աղքատ երկրները՝ մինչ 2040-ականները:
Տաթև Ֆռանգյան
