18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
ՃՈ-ն ուժեղացված ծառայություն է իրականացրել մարզերում
Հասարակություն
03.11.2021 | 21:46
Հոկտեմբերի 29-ին, 30-ին և 31-ին Ճանապարհային ոստիկանության 2-րդ սպայական գումարտակի ծառայողները երթևեկության անվտանգության ապահովման նպատակով ուժեղացված ծառայություն իրականացրեցին մարզերում, տեղեկացնում է ՃՈ-ն։
Ուժեղացված ծառայության ընթացքում կազմվել է վարչական իրավախախտումների վերաբերյալ 1649 արձանագրություն, որից`
– 42-ը՝ տրանսպորտային միջոցը ոչ սթափ վիճակում վարելու համար, ընդ որում՝ նրանցից 9-ը նույն պահին զրկվել են տրանսպորտային միջոցներ վարելու իրավունքից,
– 13-ը՝ տրանսպորտային միջոցի առջևի հողմապակին թաղանթապատված վիճակում վարելու համար,
– 208-ը՝ առանց անվտանգության ամրագոտիով ամրակապվելու երթևեկելու համար,
– 19-ը՝ տրանսպորտային միջոցի հաշվառման համարանիշերը սահմանված վայրում չփակցված վարելու համար,
– 1-ը՝ առանց մեկ հաշվառման համարանիշի տրանսպորտային միջոցը վարելու համար,
– 1-ը՝ առանց հաշվառման համարանիշերի տրանսպորտային միջոցը վարելու համար,
– 61-ը՝ ուղևորի փոխադրման կանոնը խախտելու համար,
– 8-ը՝ առանց գործող ԱՊՊԱ պայմանագրի տրանսպորտային միջոցը վարելու համար։
Միջոցառման ընթացքում 17 տրանսպորտային միջոց տեղափոխվել են Ճանապարհային ոստիկանության պահպանվող հատուկ տարածքներ։
Ճանապարհային ոստիկանությունը հորդորում է երթևեկել՝ խստագույնս պահպանելով ճանապարհային երթևեկության բոլոր կանոնները, չվնասել ձեր և երթևեկության այլ մասնակիցների կյանքն ու առողջությունը
