18.01.2026 | 13:25
Վարդենյաց լեռնանցքը փակ է կցորդով բեռնատարների համար
Զախարովան «ֆեյք արշավ» է անվանել Ուկրաինայի սահմանին ռուսական զորքերի կուտակման մասին հրապարակումները
Քաղաքականություն
03.11.2021 | 20:08
ՌԴ ԱԳՆ պաշտոնական ներկայացուցիչ Մարիա Զախարովան Ուկրաինայի սահմանին ռուսական զորքերի կուտակման մասին ամերիկյան լրատվամիջոցների հրապարակումները «ֆեյք արշավ» է անվանել։ Այս մասին հաղորդում է ՏԱՍՍ գործակալությունը։
Նա նշել է, որ ԱՄՆ-ում առնվազն երեք պարբերական՝ Politico-ն, The Washington Post-ը և Foreign Policy-ին հրապարակումներ են արել այն մասին, որ «Ռուսաստանը, իբր, զորքեր է կուտակում ուկրաինական սահմանին»։
«Դա մի ֆեյք չէ, այլ ամբողջական, թարմ ֆեյք արշավ էամերիկյան լրատվամիջոցներում։ Մեզ ոչ ոք չի դիմել, համոզված ենք, որ ընդհանրապես ռուսական կողմից ոչ մեկին չեն դիմել, ով էլ մեր երկիրը ներկայացներ։ Սա դասական ժանր է, երբ նման հրապարակումներ են պատրաստվում, ապա կողմի պաշտոնական դիրքորոշումը չի պահանջվում»,- ասել է Զախարովան ամենշաբաթյա ճեպազրույցի ընթացքում։
Նշենք, որ այսօր ավելի վաղ ՌԴ նախագահի մամուլի խոսնակ Դմիտրի Պեսկովը, մեկնաբանելով Ուկրաինայի ՊՆ հայտարարությունն այն մասին, որ Ռուսաստանը պահպանում է ռազմական ներկայությունն իր սահմաններին, ասել էր, թե իր տարածքում ՌԴ-ն անում է այն, ինչ անհրաժեշտ է համարում։
«Ռուսաստանը պահպանում է ռազմական ներկայությունն իր տարածքում այնտեղ, որտեղ անհրաժեշտ է համարում»,- նշել էր Կրեմլի խոսնակը։
Էմմա Չոբանյան
