14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Իրանը հայտարարել է ԱՄՆ-ի կողմից իր նավթային լցանավի առգրավման փորձի մասին
Քաղաքականություն
03.11.2021 | 16:39
Իրանը հայտարարել է, որ իր ռազմածովային ուժերը չորեքշաբթի կանխել են Օմանի նեղուցում Միացյալ Նահանգների կողմից իրենց նավթային լցանավի առգրավումը։ Այս մասին հայտնում է Tasnim գործակալությունը։
Հաղորդվում է, որ ամերիկյան ուժերը Օմանի ծովում առգրավել են նավթատար նավը, որը տեղափոխում էր իրանական արտահանվող նավթ, բեռը տեղափոխել մեկ այլ լցանավ և նավը տեղափոխել անհայտ ուղղությամբ։
«Իսլամական հեղափոխության պահապանների կորպուսի ռազմածովային ուժերը կանխել են ծովահենական հարձակումն ու ԱՄՆ-ի կողմից իրանական նավթը գողանալու փորձը։ Այս գործողության ընթացքում ԱՄՆ-ը առգրավել է Օմանի ծովի ջրերում իրանական արտահանվող նավթը, այն տեղափոխել մեկ այլ լցանավ և ուղարկել անհայտ ուղղությամբ։ Իսլամական հեղափոխության պահապանների կորպուսի ռազմածովային ուժերը ժամանակին առգրավել են այդ լցանավը և ուղարկել Իրանի տարածքային ջրեր»,- ասել է գործակալության զրուցակիցը։
Նշվում է, որ ամերիկյան բանակը հետապնդել է լցանավը՝ օգտագործելով մի քանի ուղղաթիռներ ու նավեր։
Տաթև Ֆռանգյան
