23.08.2026 | 10:37
Ստեփանավանում վագոն-տնակ է այրվել. կա զոհ
ԱՀԿ մասնագետը բացատրել է, թե ինչու է աճում կորոնավիրուսով վարակման դեպքերի թիվը
Քաղաքականություն
03.11.2021 | 17:25
Առողջապահության համաշխարհային կազմակերպության (ԱՀԿ) փորձագետ, պրոֆեսոր Սանտյագո Մաս-Կոման պատմել է, թե ինչու կարող են շարունակել աճել կորոնավիրուսով վարակման դեպքերը՝ նույնիսկ զանգվածային պատվաստումների դեպքում։ Այս մասին գրում է «Լենտա»-ն։
Նրա խոսքով՝ մարդիկ սխալմամբ կարծում են, որ երկու չափաբաժնով պատվաստումն իրենց վերջնականապես կպաշտպանի COVID-19-ով վարակվելուց։ Արդյունքում պատվաստվածները սկսում են անտեսել անվտանգության կանոնները։
«Ձմռանը, ցածր ջերմաստիճանի սկսվելուն պես, մարդիկ ավելի քիչ ժամանակ կանցկացնեն փողոցներում, ինչն իր հերթին կմեծացնի փակ տարածքներում՝ ռեստորաններում, բարերում և այլուր վարակվելու վտանգը»,- ասել է պրոֆեսորը:
Մաս-Կոման հավելել է, որ պատվաստումից հետո արտադրված հակամարմինները պահպանվում են միայն որոշ ժամանակով: Օրինակ՝ դրանց առաջացումը կարող է տևել մի քանի ամիս: Պրոֆեսորը բացատրել է, որ մարդու մարմնում ձևավորվում են հիշողության բջիջներ, որոնք կարող են ճանաչել կորոնավիրուսը։
Այնուամենայնիվ, «դելտա» շտամի բարձր վարակելիության պատճառով մարդու օրգանիզմը ոչ միշտ է հասցնում ժամանակին ճանաչել վտանգը և աշխատել՝ սկսելով վիրուսը չեզոքացնող հակամարմիններ արտադրել, նշել է փորձագետը։ ԱՀԿ-ի համաճարակաբանն ընդգծել է, որ մինչև հիմա COVID-19-ի ոչ մի շտամ չի հայտնաբերվել, որը վարակելիությամբ կգերազանցի «դելտա»-ին։
Տաթև Ֆռանգյան
