07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Մենք վճռականորեն հավատարիմ ենք մեր հարևանների հետ հարաբերությունների զարգացմանն ու ամրապնդմանը. Իրանի նախագահ
Քաղաքականություն
16.01.2025 | 12:17
Իրանի նախագահ Մասուդ Փեզեշքիանը Թեհրանի Մեհրաբադ օդանավակայանում, Տաջիկստան մեկնելուց առաջ, հայտարարել է, որ հարևանների հետ հարաբերությունների զարգացումն ու ամրապնդումն իր վարչակազմի առաջնահերթություններից է, որը սահմանել է Գերագույն հոգևոր առաջնորդը, և այս կառավարությունում եռանդուն կերպով հետամուտ են լինելու այս խնդրին, փոխանցում է IRNA գործակալությունը։
«Հարևան Տաջիկստան ուղևորության ընթացքում, որի հետ ունենք ընդհանուր լեզու և պատմություն, կստորագրվեն համատեղ փաստաթղթեր ջրի, գյուղատնտեսության, գիտության, մշակույթի, արդյունաբերության, առևտրի, տրանսպորտի և հանքարդյունաբերության ոլորտներում համագործակցության վերաբերյալ, և մենք կփորձենք խորացնել մեր հարաբերություններն այս երկրի հետ»,- ասել է նա։
Իրանի նախագահն ընդգծել է, որ Ռուսաստան և Տաջիկստան այցն իրականացվում է՝ ի պատասխան այս երկու երկրների նախագահների պաշտոնական հրավերի։
«Ռուսաստան այցի ընթացքում կստորագրվի նաև համապարփակ ռազմավարական փաստաթուղթ՝ տնտեսական, գիտական, արդյունաբերական, գյուղատնտեսական և անվտանգության հարցերի վերաբերյալ»,- ասել է Փեզեշքիանը։
Թարգմանությունը՝ Տաթև Ֆռանգյանի
