19.11.2024 | 21:34
Լավրովն ԱՄՆ-ին մեղադրել է Բրյանսկի շրջանում ATACMS-ով հարվածներին մասնակցելու մեջ
Քննարկվում է Տիգրան Ավինյանին ԶՊՄԿ տնօրենների խորհրդի անդամ նշանակելու հարցը, այլ ոչ թե տնօրենի․ պարզաբանում
Քաղաքականություն
03.11.2021 | 11:34
ՀՀ նախկին փոխվարչապետ Տիգրան Ավինյանը արդյոք նշանակվելո՞ւ է Զանգեզուրի պղնձամոլիբդենային կոմբինատի տնօրեն: ԱԺ-ում պատասխանելով լրագրողների այս հարցին` ՀՀ վարչապետի աշխատակազմի ղեկավար Արայիկ Հարությունյանը պատասխանեց. «Երբ լուծումները լինեն, անմիջապես կիմանաք դրա մասին»:
Արայիկ Հարությունյանը նաև նշեց, որ այդ հարցը քննարկվում է:
«Քննարկվում է այդ հարցը, որովհետև նա քաղաքական թիմի անդամ է, և պետք է լինեն այնպիսի մարդիկ, որոնք Հայաստանի շահերը լավագույնս կներկայացնեն տվյալ կազմակերպությունում»,- ասաց ՀՀ վարչապետի աշխատակազմի ղեկավարը:
Մանրամասները՝ տեսանյութում:
Հ․Գ․ ՀՀ կառավարությունը ԱԺ ճեպազրույցից հետո պարազաբանում է տարածել, որում ասվում է․
«Այսօր Ազգային ժողովում վարչապետի աշխատակազմի ղեկավար Արայիկ Հարությունյանի՝ լրագրողների հետ հարցուպատասխանի ընթացքում տեղի է ունեցել շփոթմունք:
Քննարկվում է Տիգրան Ավինյանին ԶՊՄԿ տնօրենների խորհրդի անդամ նշանակելու հարցը, այլ ոչ թե տնօրենի։ Հայցում ենք ձեր ներողամտությունը»։
