23.08.2026 | 10:37
Ստեփանավանում վագոն-տնակ է այրվել. կա զոհ
Ջո Բայդենը քննադատել է ՌԴ-ի և Չինաստանի առաջնորդներին՝ Գլազգոյի կլիմայական գագաթնաժողովին չներկայանալու համար
Քաղաքականություն
03.11.2021 | 12:22
ԱՄՆ նախագահ Ջո Բայդենը քննադատել է Ռուսաստանի և Չինաստանի առաջնորդներին՝ Գլազգոյի միջազգային բնապահպանական գագաթնաժողովին չներկայանալու համար, գրում է BBC-ի ռուսական ծառայությունը։
Չինաստանն ու Ռուսաստանը համաժողովին պատվիրակություններ են ուղարկել, սակայն ո՛չ Սի Ձինպինը, ո՛չ Վլադիմիր Պուտինը չեն մեկնել։ Չինաստանը ածխաթթու գազով օդն աղտոտող երկրների շարքում աշխարհում ամենամեծն է, Ռուսաստանը հինգերորդն է՝ Չինաստանից, ԱՄՆ-ից, ԵՄ-ից և Հնդկաստանից հետո։
Ըստ Բայդենի՝ համաշխարհային առաջնորդի դերը, որը փորձում է խաղալ Չինաստանը, համատեղելի չէ այն փաստի հետ, որ այդ երկրի ղեկավարը չի ներկայացել նման կարևոր գագաթնաժողովի։ Սպիտակ տան ղեկավարի խոսքով՝ Սի Ձինպինի մեծ սխալն է։
«Դա ուղղակի հսկայական խնդիր է, իսկ նրանք մի կողմ են քաշվել, ինչպե՞ս կարող ես դա անել և դեռ հավակնել ինչ-որ առաջնորդության»,- ասել է Բայդենը՝ հավելելով, որ նույնը վերաբերում է Վլադիմիր Պուտինին։
«Գիտեք՝ նրա տունդրան վառվում է, բառացիորեն վառվում է: Նա լուրջ, շատ լուրջ կլիմայական խնդիրներ ունի և լռում է որևէ բան անելու պատրաստակամության մասին»,- հավելել է Ջո Բայդենը։
Տաթև Ֆռանգյան
