23.08.2026 | 11:39
Քաղաքացին մոտ 6 մետր բարձրությունից ընկել է գետափնյա հատված․ ՆԳՆ
Նախագահի գործուղումների համար տրվող 425 մլն դրամից ի՞նչ արդյունավետություն կա. Վարդանյանը՝ նախարարին․ ՏԵՍԱՆՅՈՒԹ
Քաղաքականություն
03.11.2021 | 10:37
ՀՀ նախագահ Արմեն Սարգսյանի՝ միայն արտասահմանյան գործուղումների համար նախատեսված է 425 միլիոն դրամ: ԱԺ պետական-իրավական ու ֆինանսավարկային և բյուջետային հարցերի մշտական հանձնաժողովների համատեղ նիստում բյուջետային քննարկումների ժամանակ այս մասին նշեց ԱԺ «Հայաստան» խմբակցության պատգամավոր Աղվան Վարդանյանը:
«Նկատի ունենալով նախագահի սահմանափակ լիազորությունները՝ այս գումարները մի քիչ շատ-շատ չե՞ն», – դիմելով Ֆինանսների նախարար Տիգրան Խաչատրյանին՝ հետաքրքրվեց Վարդանյանը:
Պատգամավորը նաև նշեց, որ Ազգային ժողովում պարգևատրումների, դրամական խրախուսումների ու, ընդհանրապես, քաղաքացիական, դատական, պետական այլ ծառայողների գումարները կազմում են ընդհանուր աշխատավարձի գումարների մոտ 20-22 տոկոսը:
«Մենք շարունակելո՞ւ ենք այս նույն գործելաոճը պարգևատրումները, խրախուսումները՝ հակասության մեջ մտնելով օրենսդրության հետ»,- հարցրեց պատգամավորը:
Նրա խոսքով՝ Ազգային ժողովի ծախսերում ներքին գործուղումների համար նախատեսված է 235 հազար դրամ, իսկ արտասահմանյան գործուղումների համար՝ 648 միլիոն դրամ:
«ԱԺ հիմնական գործը, փաստորեն, ոչ թե Հայաստանում է, այլ՝ դրսում», – ընդգծեց Վարդանյանը:
Նա նշեց նաև, թե «Քաղաքացու օրը» նշելու համար հատկացվելու է 40 միլիոն դրամ:
«Անիմաստ ծախսերից բյուջեն չի՞ ուզում ազատվել»,-հետաքրքրվեց ընդդիմադիր պատգամավորը:
Մանրամասները՝ տեսանյութում:
