23.08.2026 | 11:22
Էդուարդ Սպերցյանը գոլային փոխանցում է կատարել. ՏԵՍԱՆՅՈՒԹ
Թուրքիայում հայտարարել են, որ Կիևը փորձում է «Բայրաքթար»-ների պատճառով գժտեցնել Անկարային ու Մոսկվային
Քաղաքականություն
02.11.2021 | 22:37
Կիևը փորձեր է ձեռնարկում գժտեցնել Անկարային ու Մոսկվային՝ թուրքական «Բայրաքթար» անօդաչու թռչող սարքերի մատակարարման պատճառով։ Այս մասին Lenta-ի հետ զրույցում հայտարարել է Անկարայի Յըլդըրըմ Բեյազիտ համալսարանի պրոֆեսոր, քաղաքագետ Սալիհ Յըլդազը։
Քաղաքագետն ընդգծել է, որ այն բանից հետո, երբ Թուրքիան սկսել է Ուկրաինային անօդաչուներ վաճառել, դրանք դարձել է այդ երկրի սեփականությունը։
«Սակայն Ուկրաինան, հնարավոր է, ցանկանում է տարաձայնություններ մտցնել ռուս-թուրքական հարաբերություններում՝ Թուրքիան հաճախակի հիշատակելով»,- ասել է Յըլդազը։
Թուրք փորձագետը նաև հայտարարել է, որ ռուսական ռազմական ղեկավարությունը չափազանց սուր է արձագանքել Ուկրաինային թուրքական անօդաչուների վաճառքի փաստին և բավական կոշտ արտահայտություններ արել Անկարայի հասցեին։
«Այդ իրավիճակը լարում է թուրքական հասարակությունը և ստեղծում հակառուսական տրամադրություններ»,- հավելել է Յըլդազը։
Նշենք, որ հոկտեմբերի վերջին Ուկրաինան Դոնբասում առաջին անգամ թուրքական «Բայրաքթար» էր կիրառել մարտական գործողություններում ու ոչնչացրել հակառակորդի հրետանային համակարգը։ Թուրքիայի ԱԳ նախարար Մևլութ Չավուշօղլուն էլ Հռոմում G20-ի գագաթնաժողովի շրջանակում իր ռուս գործընկեր Սերգեյ Լավրովի հետ հանդիպումից հետո հայտարարել էր, որ Անկարան պատասխանատվություն չի կրում Ուկրաինայի կողմից ռուսամետ զինյալների դեմ հակամարտությունում թուրքական անօդաչու թռչող սարքերի կիրառման համար։
Էմմա Չոբանյան
