11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Թուրքիայում Աֆղանստանից ապօրինի ներգաղթյալները ներխուժել են օդանավակայանի թռիչքուղի
Քաղաքականություն
02.11.2021 | 19:23
Թուրքիայի ոստիկանությունը բերման է ենթարկել Աֆղանստանից ավելի քան 70 անօրինական ներգաղթյալների։ Իրավապահների գործողության պատճառով Ադանայի օդանավակայանը մեկուկես ժամով դադարեցրել է թռիչքներ ընդունել և ուղարկել։ Այս մասին հայտնել է CNN Turk հեռուստաալիքը։
Դեպքը տեղի է ունեցել առավոտյան, երբ ոստիկանները օդանավակայանի մոտ ստուգման նպատակով կանգնեցրել են բեռնատար ավտոմեքենա։ Պարզվել է՝ բեռնախցիկում 72 աֆղաններ են՝ առանց Թուրքիա մուտք գործելու փաստաթղթերի։
Ապօրինի ներգաղթյալները փորձել են փախչել, նրանց մի մասին հաջողվել է ցանկապատի վրայով օդանավակայանի տարածք անցնել։ Նրանք վազել են դեպի թռիչքուղի, որտեղով ընթացել է նոր վայրէջք կատարած ինքնաթիռը։ Օդաչուները ստիպված են եղել արտակարգ արգելակել ինքնաթիռը։
Միջադեպի պատճառով օդանավակայանի աշխատանքը մեկուկես ժամով դադարեցվել է։ Հաղորդվում է, որ ոստիկանությունը բերման է ենթարկել փախուստի դիմած բոլոր անօրինական ներգաղթյալներին։
Տաթև Ֆռանգյան
