23.08.2026 | 10:37
Ստեփանավանում վագոն-տնակ է այրվել. կա զոհ
Պուտինը հայտարարել է, որ ռուս զինվորականները սովորել են՝ ինչպես արդյունավետ հետ մղել ԱԹՍ-ների հարձակումները
Քաղաքականություն
02.11.2021 | 20:14
Ռուսաստանը ներկայում ունի ավելի քան 2.000 անօդաչու թռչող սարք, և ռուս զինվորականները սովորել են՝ ինչպես արդյունավետ կերպով հետ մղել անօդաչու սարքերի հարձակումները։ Այս մասին հայտարարել է ՌԴ նախագահ Վլադիմիր Պուտինը, գրում է Ինտերֆաքսը։
«Մենք պետք է շարունակենք աշխատել դրանց վրա (անօդաչու թռչող սարքերի), աշխատենք այնքան ջանասիրաբար, որքան վերջերս: Ես նկատի ունեմ՝ ներառյալ արհեստական ինտելեկտի օգտագործումը և տեխնոլոգիայի ու գիտության ամենաժամանակակից ձեռքբերումները»,- ասել է Պուտինը ՊՆ-ի և ռազմարդյունաբերական համալիրի ձեռնարկությունների ղեկավարության հետ հանդիպման ժամանակ։
Նա նշել է, որ այս աշխատանքը պետք է հիմնված լինի այդ ինքնաթիռների օգտագործման Ռուսաստանի փորձի վրա։
«Մենք շատ լավ գիտենք, թե ինչպես են անօդաչուներն իրենց դրսևորել վերջին տարիների զինված հակամարտություններում, որքան արդյունավետ և որքան վտանգավոր կարող են լինել մեզ համար․ նկատի ունեմ այն, ինչ տեսանք Սիրիայում՝ անօդաչու թռչող սարքերի օգտագործմամբ ահաբեկչական հարձակումները»,- ասել է նա։
«Մենք սովորել ենք հետ մղել այդ հարձակումները և դա անում ենք բավականին արդյունավետ»,- հավելել է Պուտինը։
Տաթև Ֆռանգյան
