14.09.2026 | 15:21
Չենք կարող բացառել, որ էսկալացիան կազդի նաև մեր տարածքի վրա․ Լեհաստանի վարչապետը՝ ռուսական հարվածների մասին
ԱՄՆ կոնգրեսականները մերժում են Թուրքիային F-16-երի վաճառքը․ նրանք նամակով դիմել են պետքարտուղար Բլինքենին
Քաղաքականություն
02.11.2021 | 14:38
ԱՄՆ Կոնգրեսի 41 անդամներ նամակ են հղել պետքարտուղար Էնթոնի Բլինքենին՝ ընդդիմանալով Թուրքիային F-16 կործանիչներ վաճառելու՝ Վաշինգտոնի ծրագրերին։ Այս մասին գրում է «Ահվալ» գործակալությունը։
ԱՄՆ կոնգրեսականները՝ Քրիս Պապասի գլխավորությամբ, Հունաստանի հանձնախմբի նախագահներ Գազ Բիլիրակիսի ու Քարոլայն Մալոնիի հետ միասին Բլինքենից ավելի շատ տեղեկատվություն են խնդրել վերջին զեկույցների մասին, որ Թուրքիան ցանկանում է գնել 40 հատ F-16 կործանիչ և ինքնաթիռների արդիականացման համակարգեր։
Նշենք, որ Թուրքիայի նախագահ Ռեջեփ Թայիփ Էրդողանը կիրակի Հռոմում G20-ի գագաթնաժողովի շրջանակում ԱՄՆ նախագահ Ջո Բայդենի հետ հանդիպմանը քննարկել է F-16 կործանիչների ձեռքբերումը, այնուհետ հայտարարել, որ ԱՄՆ նախագահը դրական է վերաբերվում այդ գործարքին։
ԱՄՆ կոնգրեսականները նշել են 4 պատճառ, թե ինչու են դեմ Թուրքիային ամերիկյան արտադրության ինքնաթիռների վաճառքին։
Նամակում, մասնավորապես, նշվում է, որ Թուրքիայի դեմ պատժամիջոցների կիրառումից հետո Էրդողանի կառավարությունը պարզ հասկացրել է, որ մտադրություն չունի համապատասխանել ԱՄՆ օրենսդրությանը կամ դիտարկել այն պայմանները, որոնք հանգեցրին Թուրքիային F-35-ի ծրագրից հեռացնելուն և Կոնգրեսը դադարեցրեց Թուրքիային ամերիկյան զենքի վաճառքը։
ԱՄՆ օրեսդիրները նաև նշում են, որ ուրախ են տեսնել Թուրքիայի արմատական կապերը Արևմուտքի հետ, սակայն հավելում են, որ այդ նպատակին հնարավոր չի լինի հասնել, եթե «Էրդողանի կառավարությունը խուսափի ԱՄՆ օրենքներն ու ՆԱՏՕ-ին դաշնակցության չափորոշիչները խախտելու համար պատասխանատվությունից»։
Էմմա Չոբանյան
