25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Հնդկաստանը Չինաստանի հետ սահմանին լայնածավալ զորավարժություններ է սկսել․ The Times of India
Քաղաքականություն
02.11.2021 | 21:11
Հնդկաստանի զինված ուժերը եռօրյա լայնածավալ զորավարժություններ են սկսել Արևելյան Լադախում՝ Չինաստանի հետ սահմանի մոտ։ Այս մասին հայտնում է The Times of India-ն՝ վկայակոչելով իր աղբյուրներին։
Զորավարժության սցենարի համաձայն՝ հնդիկ դեսանտայինները պայմանական հակառակորդի տարածքի խորքում գրավում են ռազմահենադաշտ և հարվածային ուղղաթիռների աջակցությամբ պահում այն՝ մինչև տանկային և մեքենայացված զորքերի միանալը։
Վարժանքներն անցկացվում են բարձրադիր տեղանքում, -20 աստիճանի պայմաններում՝ հարյուրավոր զինվորականների մասնակցությամբ։
«Զորավարժությունների նպատակն է Չինաստանին ազդակ տալ՝ զերծ մնալ Հնդկաստանի հյուսիսային սահմաններում լարվածության սրմանն ուղղված գործողություններից»,- իր աղբյուրներին է մեջբերում պարբերականը։
Տաթև Ֆռանգյան
