Քաղաքականություն
02.11.2021 | 14:03
Վրաստանի նախկին նախագահ Միխայիլ Սաակաշվիլին, որը մեկ ամիս է՝ հացադուլ է հայտարարել Ռուսթավիի բանտում, հրաժարվում է հանդիպել բժիշկների կոնսիլիումի հետ։ Այս մասին լրագրողներին հայտնել է նրա անձնական բժիշկ Նիկոլոզ Կիպշիձեն, որն այս գիշեր այցելել է Սաակաշվիլիին, գրում է ՏԱՍՍ-ը։
«Նա ստանում է միայն այն դեղորայքը, որոնք ոչ մի կապ չունեն հացադուլի հետ։ Նա թույլ է։ Երկու-երեք օր առաջ անալիզներ է հանձնել, արդյունքներն այնքան էլ լավը չէին։ Կոնսիլիումի հետ հանդիպում չի լինի, քանի որ (նախկին) նախագահն անձամբ է հրաժարվել։ Իհարկե, մենք պետք է պատրաստ լինենք ցանկացած սցենարի»,- ասել է Կիպշիձեն։
Երկուշաբթի Սաակաշվիլիին այցելել է Ուկրաինայի Գերագույն ռադայի պատգամավոր Ելիզավետա Յասկոն և հայտնել, որ նա հացադուլի պատճառով նիհարել է 20 կգ։
Տաթև Ֆռանգյան
