29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Հայտնի է՝ ինչ օբյեկտի էր բախվել ԱՄՆ-ի USS Connecticut միջուկային սուզանավը Հարավչինական ծովում
Քաղաքականություն
02.11.2021 | 16:44
Անհայտ օբյեկտը, որին հոկտեմբերի 2-ին Հարավչինական ծովում բախվել էր ԱՄՆ ռազմածովային ուժերին պատկանող USS Connecticut միջուկային սուզանավը, պարզվում է՝ եղել է ծովային լեռ։ Այս մասին հայտնել է ԱՄՆ ՌԾՈՒ-ն, գրում է USNI News-ը։
«Հետաքննության ընթացքում պարզվել է, որ USS Connecticut-ը բախվել է չբացահայտված ծովային սարի՝ Հնդկա-խաղաղօվկիանոսյան տարածաշրջանի միջազգային ջրերում գործողությունների ժամանակ»,- ասված է ԱՄՆ ռազմածովային ուժերի հայտարարության մեջ:
Նշվում է, որ հետաքննության արդյունքները քննարկման են փոխանցվել ԱՄՆ-ի յոթերորդ նավատորմի հրամանատար, փոխծովակալ Կառլ Թոմասին, որն էլ «կորոշի հետագա գործողությունների, այդ թվում՝ քրեական հետապնդման իրագործելիությունը»։
Հիշեցնենք՝ ավելի վաղ հաղորդվել էր, որ ԱՄՆ ռազմածովային ուժերին պատկանող USS Connecticut միջուկային սուզանավը հոկտեմբերի 2-ին Հարավչինական ծովում բախվել է անհայտ օբյեկտի, ինչի հետևանքով մեծ վնասներ է կրել։
Տաթև Ֆռանգյան
