23.08.2026 | 10:37
Ստեփանավանում վագոն-տնակ է այրվել. կա զոհ
Moderna-ի պատվաստանյութի և գրիպի դեմ պատվաստումների համակցումն անվտանգ է տարեցների համար
Քաղաքականություն
01.11.2021 | 23:14
Կլինիկական փորձարկումների երկրորդ փուլում հետազոտողները եկել են այն եզրակացության, որ Moderna պատվաստանյութի և գրիպի դեմ պատվաստումների համադրությունը տարեց հիվանդների մոտ վտանգավոր կողմնակի ազդեցություններ չի առաջացրել: Գիտնականները թեստի արդյունքները հրապարակել են medRxiv-ում։
«Մենք չենք հայտնաբերել վտանգավոր կողմնակի ազդեցություններ կամ արդյունավետության նվազեցում երկու պատվաստանյութերի համար, երբ դրանք միաժամանակ ներարկվել են 65 և ավելի բարձր տարիքի մարդկանց: Սա ցույց է տալիս, որ գրիպի պատվաստանյութը և Moderna-ի պատվաստանյութը կարելի է համատեղել»,- գրում են հետազոտողները:
Ընդհանուր առմամբ, կլինիկական փորձարկումներին մասնակցել են մոտ 300 տարեց կամավորներ, որոնք վերջերս պատվաստվել են Moderna-ի մեկ կամ երկու դեղաչափով:
Ուսումնասիրության ընթացքում աննշան կողմնակի երևույթներ են նկատվել դեղամիջոցների միաժամանակյա կիրառման դեպքում: Սակայն որևէ դեպքում գիտնականները վտանգավոր բարդացում չեն արձանագրել, որը կսպառնար հիվանդի կյանքին:
Տաթև Ֆռանգյան
