23.08.2026 | 10:37
Ստեփանավանում վագոն-տնակ է այրվել. կա զոհ
ՌԴ-ում կորոնավիրուսի «մյու» և «լյամբդա» շտամով վարակման դեպքեր են գրանցվել
Քաղաքականություն
01.11.2021 | 17:10
Ռուսաստանում հայտնաբերվել է «լյամբդա» կորոնավիրուսի շտամով վարակման մեկ և «մյու» շտամով վարակման 3 դեպք։ Այս մասին հայտնել է Ռոսպոտրեբնադզորի համաճարակաբանության կենտրոնի տնօրեն Վասիլի Ակիմկինը, գրում է Ինտերֆաքսը։
Սրա հետ մեկտեղ, Ռուսաստանում, ինչպես ամբողջ աշխարհում, գերակշռող է մնում կորոնավիրուսի «դելտա» շտամը։
«Լյամբդա» և «մյու» կորոնավիրուսային շտամերն առաջին անգամ հայտնաբերվել են Հարավային Ամերիկայում: «Լյամբդա» շտամը Առողջապահության համաշխարհային կազմակերպության կողմից «հետաքրքություն առաջացնող տարբերակների» շարքում ներառվել է 2021 թվականի հունիսի 14-ից։ Հունիսի վերջին հաղորդվել էր, որ «լյամբդա» շտամով վարակվելու դեպքեր են հայտնաբերվել Հարավային Ամերիկայում և Մեծ Բրիտանիայում, իսկ Ռուսաստանում՝ ոչ մի դեպք։
«Մյու» շտամը հայտնաբերվել է Կոլումբիայում 2021 թվականի հունվարին, իսկ օգոստոսին ավելացվել է ԱՀԿ-ի կողմից «հետաքրքրություն ներկայացնող տարբերակների» ցանկում: Այդ ժամանակ ամբողջ աշխարհում հայտնաբերվել էր այս տարբերակով վարակման 3700 դեպք, այդ թվում՝ ավելի քան 1400 դեպք ԱՄՆ-ում և առանձին դեպքեր՝ Եվրոպայում։
Տաթև Ֆռանգյան
