23.08.2026 | 11:39
Քաղաքացին մոտ 6 մետր բարձրությունից ընկել է գետափնյա հատված․ ՆԳՆ
Ռուսաստանն ու ԱՄՆ-ն անհրաժեշտ են համարում շարունակել ամենաբարձր մակարդակով շփումները․ Պեսկով
Քաղաքականություն
01.11.2021 | 16:48
Մոսկվան և Վաշինգտոնն անհրաժեշտ են համարում ամենաբարձր մակարդակով շփումները շարունակելը, դա կարևոր է երկկողմ հարաբերությունների ու միջազգային խնդիրների շուրջ երկխոսության համար։ Այս մասին լրագորղների հետ զրույցում ասել է ՌԴ նախագահի մամուլի խոսնակ Դմիրտրի Պեսկովը, գրում է ՏԱՍՍ-ը։
«Մենք համաձայն ենք, որ ամենաբարձր մակարդակով շփումներն անհրաժեշտ են՝ ինչպես մեր երկկողմ հարաբերությունների, այնպես էլ ավելի լայն աշխարհագրություն ընդգրկող երկխոսության տեսանկյունից»,- ասել է Պեսկովը։
Նա հավելել է, որ Մոսկվան ակնկալում է շարունակել շփումները Վաշինգտոնի հետ կիբերանվտանգության ոլորտում։
«Մենք ասել ենք, որ ի շարունակություն Ժնևի ոգու՝ արդեն կայացել է ռուս-ամերիկյան խորհրդակցությունների շարք կիբերանվտանգության թեմայով։ Իհարկե, այդ շփումները տեղի են ունենում փակ ռեժիմով։ Դա այն ոլորտը չէ, որտեղ հրապարակային լինելն օգնում է հասնել այն արդյունքներին, որոնց ցանկանում են հասնել Մոսկվան ու Վաշինգտոնը։ Հուսով ենք, որ այդ շփումները կշարունակվեն»,- ասել է ՌԴ նախագահի մամուլի խոսնակը։
Էմմա Չոբանյան
