30.07.2026 | 13:27
Ով է փոխարինելու Ռուբինյանին հայ-թուրքական բանակցություններում. Փաշինյանի պատասխանը․ ՏԵՍԱՆՅՈւԹ
Վտանգավոր զվարճանք. Իսպանիայում մահացել է ցլերի ավանդական մրցավազքի մասնակիցը
Քաղաքականություն
01.11.2021 | 14:11
Իսպանիայի արևելյան Օնդա քաղաքում ցլերի ավանդական մրցավազքի ժամանակ (Էնսիերո) միջին տարիքի մի տղամարդ գլխի և ազդոսկրի ծանր վնասվածքներ է ստացել։ Նա մահացել է հարևան Վիլյառեալ քաղաքի հիվանդանոցում, գրում է BBC-ի ռուսական ծառայությունը։
Թեև Օնդայի քաղաքապետարանը որոշել է դադարեցնել ցլերի հետ կապված բոլոր միջոցառումները, սակայն Fira de Onda փառատոնը կշարունակվի՝ չնայած ողբերգական իրադարձությանը։
Սա իր տեսակի մեջ առաջին միջադեպն էր այն բանից հետո, երբ Իսպանիան վերստին թույլատրեց փառատոնները՝ ամռանը կորոնավիրուսային համաճարակի պատճառով սահմանված սահմանափակումների մեղմացումից հետո:
Չնայած արգելքների վերացմանը՝ Իսպանիայում շարունակվում է թեժ բանավեճն այն մասին՝ արդյո՞ք ցլերի մասնակցությամբ բոլոր փառատոները պետք է ընդհանրապես չեղարկվեն:
Փառատոնի ընթացքում մասնակիցների ամբոխը վազում է քաղաքի փողոցներով՝ փախչելով կատաղած ցլերից։ Որոշ դեպքերում այդ ցլերին նորից բռնում և տանում են մասնակցելու ցլամարտերի, որոնք կենդանիների իրավունքների պաշտպանությամբ զբաղվող կազմակերպությունների կողմից սուր քննադատության են ենթարկվում, իսկ հասարակության շրջանում դեռևս ոչ միանշանակ վերաբերմունք կա դրանց նկատմամբ։
Տաթև Ֆռանգյան
