29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Սեյսմիկ անվտանգության ու թաքստոցների հարցը խնդիր է․ միաժամանակ ողջ ծավալով կատարելու հնարավորություն չունենք․ նախարար․ ՏԵՍԱՆՅՈՒԹ
Հասարակություն
01.11.2021 | 11:12
Այսօր Հայաստանում կան բազմաթիվ շենքեր և շինություններ, որոնց տարեթիվն արդեն 70-80 կամ ավելի տարի է: Այս մասին Ազգային ժողովի պաշտպանության և անվտանգության հարցերի, ֆինանսավարկային և բյուջետային հարցերի մշտական հանձնաժողովների համատեղ նիստում 2022թ. պետական բյուջեի մասին ՀՀ օրենքի նախագծի նախնական քննարկումների ժամանակ նշեց «Պատիվ ունեմ» խմբակցության պատգամավոր Իշխան Զաքարյանը:
Դիմելով Արտակարգ իրավիճակների նախարար Անդրանիկ Փիլոյանին՝ պատգամավորը հետաքրքրվեց՝ արդյո՞ք կա հստակ ծրագիր՝ ուսումնասիրելու Հայաստանի ամբողջ տարածքի շենքերի, շինությունների վիճակը:
Անդրանիկ Փիլոյանը պարզաբանեց, որ ծրագրային միջոցառումների կատարման ժամանակ առաջնորդվում են դպրոցների, մանկապարտեզների սեյսմիկ խոցելիության վտանգի գնահատմամբ. «Երևան քաղաքում ամբողջովին իրականացվել է այն դպրոցների մանկապարտեզների սեյսմիկ գնահատման աշխատանքերը, որոնք երկրաշարժից հետո լուրջ խնդիրներ են ունեցել: Աշխատանքները շարունակվում են»։
Նախարարի խոսքով՝ կատարվում է նաև այլ կառույցների սեյսմիկ գնահատում:
«Սեյսմիկ անվտանգության գնահատման ու թաքստոցների հարցի հետ կապված խնդիր կա. պահանջները փոխվել են»,- նշեց նախարարը՝ հավելելով, որ ամբողջ հանրապետությունով մեկ ողջ ծավալով ուսումնասիրություն կատարելու հնարավորություն չկա:
Մանրամասները՝ տեսանյութում:
