16.01.2025 | 20:00
ԱՄՆ-ի նոր վարչակազմը Ալիևին պատժամիջոցների ուղերձ պիտի տա՝ ՀՀ-ի դեմ հարձակումը կանխելու համար․ Տիգրան Գրիգորյան․ ՏԵՍԱՆՅՈՒԹ
Ռուսական կազմակերպությունները հետաքրքրված են ՀՀ-ում իրականացվող ճանապարհաշինական ծրագրերով. նախարար
Քաղաքականություն
30.03.2018 | 16:43
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ընդունեց Հայաստանի Հանրապետությունում Ռուսաստանի Դաշնության արտակարգ և լիազոր դեսպան Իվան Վոլինկինին, ով ավարտում է դիվանագիտական առաքելությունը Հայաստանում. ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը:
Վահան Մարտիրոսյանը իր ցավակցությունը հայտնեց դեսպանին Կեմերովոյում տեղի ունեցած ողբերգության առնչությամբ։ Նա նշեց, որ կատարվածից պետք է ճիշտ հետևություններ անել՝ նման դեպքերը կանխելու համար։
Հանդիպման ընթացքում անդրադարձ եղավ տրանսպորտի և կապի ոլորտներում երկու երկրների միջև ձևավորված արդյունավետ համագործակցությանը։ Նախարարը մասնավորապես շեշտեց ռուսական կազմակերպության հետաքրքրվածությունը մեր երկրում իրականացվող ճանապարհաշինական ծրագրերի նկատմամբ։
Դեսպանը, կարևորելով տրանսպորտի և ճանապարհային ենթակառուցվածքների զարգացումը երկրի տնտեսության մեջ, նշեց, որ այն ոչ միայն նպաստում է բեռնափոխադրումների և ուղևորափոխադրումների ծավալների մեծացմանը, այլև զբոսաշրջության ոլորտի առաջընթացին:
Նախարար Վահան Մարտիրոսյանը շնորհակալություն հայտնեց Իվան Վոլինկինին համատեղ աշխատանքի համար և հաջողություն մաղթեց նրան իր հետագա գործունեության մեջ:
