ՀՀ ԱԱԾ-ն՝ Պուտինի և Նարիշկինի հակաարևմտյան նախաձեռնությանը միանալու մասին

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

Հայաստանի Ազգային անվտանգության ծառայության տնօրեն Արմեն Աբազյանը տասն օր անց, Factor.am-ի գրավոր հարցերին ի պատասխան, անդրադարձել է Մոսկվայում հոկտեմբերի 13-ին ՌԴ նախագահ Վլադիմիր Պուտինի մասնակցությամբ կայացած ԱՊՀ երկրների հատուկ ծառայությունների ղեկավարների հանդիպմանը հաջորդած աղմկահարույց հաղորդագրության բովանդակությանը:

Հիշեցնենք՝ Կրեմլի ազդեցության գոտում գործող լրատվամիջոցները, հղում անելով Ռուսաստանի արտաքին հետախուզական ծառայությանը, հոկտեմբերի 13-ին հայտնեցին, որ Վլադիմիր Պուտինի մասնակցությամբ ԱՊՀ երկրների հատուկ ծառայությունների ղեկավարները քննարկել են «Արևմուտքի ապակառուցողական ազդեցության և դրսից ժողովրդավարությունը բռնի կերպով ԱՊՀ երկրներում արմատավորելու փորձերը»: Սերգեյ Նարիշկինի ղեկավարած արտաքին հետախուզական ծառայությունը շեշտել էր, որ հատուկ ծառայությունների ղեկավարները, որոնց թվում, ի դեպ, նաև հեղափոխական Հայաստանի ԱԱԾ տնօրենն է եղել, հանգել են այն միասնական կարծիքին, որ այդ ժողովրդավարության ներդրման գործընթացներն ուղղված են ԱՊՀ երկրներում ներքաղաքական իրավիճակի ապակայունացմանը: Պուտինի մասնակցությամբ հանդիպմանը պայմանավորվել են այդ գործընթացներին հակազդելու համատեղ ջանքերի ակտիվացման անհրաժեշտության մասին:

Factor.am-ն Արմեն Աբազյանից հետաքրքրվել էր՝ արդյո՞ք վերահաստատում է ՌԴ արտաքին հետախուզական ծառայության հաղորդագրությունում նաև ՀՀ ԱԱԾ-ի անունից ներկայացված դիրքորոշումը, որ Արևմուտքն ապակառուցողական ազդեցություն ունի ՀՀ-ում և դրսից բռնի կերպով ժողովրդավարություն արմատավորելու փորձեր են կատարվում:

Խնդրել էինք հայտնել՝ ինչո՞վ է դա սպառնում ՀՀ ազգային անվտանգությանը,  արդյո՞ք դեռ պահպանվում է դրսից ժողովորդավարությունը բռնի կերպով արմատավորելու վտանգը և ի՞նչ միջոցառումներ է ձեռնարկելու ԱԱԾ-ն՝ այդ վտանգը չեզոքացնելու համար:

ԱԱԾ-ից Factor.am-ին փոխանցել են, որ Ռուսաստանի արտաքին հետախուզական ծառայության տարածած հաղորդագրությունը ոչ թե մասնակից երկրների անվտանգության մարմինների ղեկավարների համատեղ հայտարարություն է, այլ հոկտեմբերի 13-ի նիստն ամփոփող տեղեկատվություն:

Ըստ էության, Հայաստանի ԱԱԾ-ից փոխանցում են, որ Արմեն Աբազյանը չի միացել Պուտինի հակաժողովրդավարական շարժմանը:

«Ի պատասխան ԱԱԾ տնօրենին ուղղված հարցման՝ տեղեկացնում ենք, որ ԱՊՀ անդամ երկրների անվտանգության մարմինների և հետախուզական ծառայությունների ղեկավարների խորհրդակցության հերթական նիստի օրակարգը նվիրված է եղել ոչ թե առանձին երկրների անվտանգության մարմինների և հետախուզական ծառայությունների գործունեությանն առնչվող մարտահրավերներին, այլ ընդհանուր առմամբ ԱՊՀ տարածաշրջանի հավաքական անվտանգության ապահովմանն ուղղված աշխատանքներին։

Ինչ վերաբերում է սույն թվականի հոկտեմբերի 13-ին ՌԴ ԱՀԾ տարածած մամլո հաղորդագրությանը, ապա այն, ըստ էության, նիստն ամփոփող տեղեկատվություն է, այլ ոչ թե մասնակից երկրների անվտանգության մարմինների և հետախուզական ծառայությունների ղեկավարների  համատեղ հայտարարության տեքստ։

ՀՀ Սահմանադրության 1-ին հոդվածը Հայաստանի Հանրապետությունը հռչակում է որպես ժողովրդավարական, իրավական պետություն, և ՀՀ Ազգային անվտանգության ծառայությունը օրենքով իրեն վերապահված գործառույթների շրջանակում, իր ողջ գործիքակազմով նպաստում է սահմանադրական վերոնշյալ նորմի կենսագործունեության ապահովումը»,- ասված  է ԱԱԾ պատասխանում։

Նարեկ Կիրակոսյան