08.06.2026 | 21:59
Վստահ եմ, որ Հայաստանի և Իրանի հարաբերությունները նոր շրջանում էլ կշարունակեն ամրապնդվել. Փեզեշքիան
Հնդկաստանն ԱՄՆ-ից ձեռք բերված նորագույն սպառազինությունը տեղակայում է Չինաստանի հետ սահմանին․ լրատվամիջոց
Քաղաքականություն
29.10.2021 | 18:14
Հնդկաստանը ԱՄՆ-ից ձեռք բերված նորագույն սպառազինությունը, այդ թվում՝ ուղղաթիռներն ու հրետանային համակարգերը, տեղակայել է երկրի հյուսիս-արևելքում՝ Չինաստանի հետ սահմանին։ Այս մասին գրում է ՏԱՍՍ-ը՝ վկայակոչելով The Economic Times-ը։
Աղբյուրի տվյալներով՝ սպառազինությունը տեղակայվում է Թավանգ սարահարթում, որը հարակից է Բութանին և Տիբեթին։ Այդ տարածք են տեղափոխվում ամերիկյան արտադրության Chinook ուղղաթիռները, M-177 155 մմ-ոց գերթեթև նորագույն հաուբիցները։ Բացի այդ, այնտեղ գտնվող հնդկական զորքերը ստացել են ամերիկյան արտադրության SIG Sauer 716 նորագույն ինքնաձիգներ։
«Լեռնային հարվածային կորպուսն ամբողջությամբ գործողության մեջ է։ Բոլոր ստորաբաժանումները, այդ թվում՝ մարտական ու մատակարարման, լիարժեք պատրաստ են ու համալրված»,- Հնդկաստանի ԶՈՒ Արևելյան հրամանատարության գլխավոր հրամանատար, գեներալ-լեյտենանտ Մանոջա Պանդեի խոսքերն է վկայակոչում պարբերականը։
Նշենք, որ Հնդկաստանն ու Չինաստանն անցյալ դարի կեսերից վիճարկում են Քաշմիրի հյուսիսում սահմանամերձ շրջանի, ինչպես նաև հյուսիսարևելյան Արունաչալ-Փրադեշ նահանգի 60 հազար քառակուսի կիլոմետր տարածքի պատկանելության հարցը։
Էմմա Չոբանյան
