18.01.2026 | 14:06
Թրամփը ցանկանում է մեկ միլիարդ դոլար երկրներից՝ իր ստեղծած Խաղաղության խորհրդում մշտական անդամակցության համար
Գնել Սանոսյանն Արագածոտնի մարզպետարանում ներկայացրել է նորանշանակ մարզպետին
Քաղաքականություն
29.10.2021 | 17:25
ՀՀ տարածքային կառավարման և ենթակառուցվածքների նախարար Գնել Սանոսյանն այսօր Արագածոտնի մարզպետարանում ներկայացրել է նորանշանակ մարզպետ Ռազմիկ Պետրոսյանին։
Նախարարը շնորհակալություն է հայտնել Դավիթ Գևորգյանին իր պաշտոնավարման ընթացքում մարզում իրականացրած ծրագրերի և մարզային խնդիրների լուծմանն ուղղված գործուն ջանքերի համար և հաջողություն մաղթել հետագա գործունեության ընթացքում։
Շնորհավորելով նորանշանակ մարզպետ Ռազմիկ Պետրոսյանին՝ Գնել Սանոսյանը նշել է, որ նա նոր մարդ չէ մարզում, տեղյակ է մարզի խնդիրներից և վստահություն է հայտնել, որ նրա փորձն ու հմտություններն օգտակար կլինեն տարածքային կառավարման ոլորտում աշխատանքներն արդյունավետ կազմակերպելու համար:
Նախարարը կարևորել է պետական կառավարման բոլոր օղակների համագործակցված և փոխվստահության վրա հիմնված աշխատանքը։
Նորանշանակ մարզպետը շնորհակալություն է հայտնել կառավարությանը վստահության համար և նշել, որ համատեղ աշխատանքով կկարողանան նպաստել մարզի զարգացմանը։
