08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Որքա՞ն եկամուտ են ունեցել 2017-ին Սերժ և Ռիտա Սարգսյանները. ՀԺ
30.03.2018 | 10:23
«Հայկական ժամանակ» թերթը գրում է.
«Մարտի 20-ին Սերժ Սարգսյանը Բարձրաստիճան պաշտոնատար անձանց էթիկայի հանձնաժողով է ներկայացրել իր նախորդ տարվա եկամուտների և գույքի հայտարարագիրը: Ըստ ներկայացված տվյալների՝ Սերժ Սարգսյանը 2017 թվականին ունեցել է 26 միլիոն 200 հազար 143.90 դրամ եկամուտ, որից 11 միլիոն 757 հազար 504 դրամը գոյացել է աշխատավարձից, 12 միլիոն 42 հազար 128.90 դրամը՝ տրված փոխառությունների դիմաց ստացված տոկոսից և այլ հատուցումներից և 2 միլիոն 400 հազար 511 դրամը աշխատանքի վարձատրություն և դրանց հավասարեցված այլ վճարումներն են:
Անցած տարվա սկզբում Սերժ Սարգսյանի դրամական միջոցները կազմել են 21 միլիոն 100 հազար դրամ, իսկ տարվա վերջում՝ 24 միլիոն 300 հազար դրամ:
Սերժ Սարգսյանի տիկնոջ՝ Ռիտա Սարգսյանի նախորդ տարվա եկամուտը՝ ըստ հայտարարագրի, կազմել է 10 միլիոն 553 հազար 294.70 դրամ: Այս գումարը գոյացել է տրված փոխառություններից ստացված տոկոսներից և այլ հատուցումներից»:
Առավել մանրամասն՝ թերթի այսօրվա համարում:
