15.11.2024 | 18:28
Ինչ արտոնություններ են նախատեսվում տրանսպորտից օգտվելիս․ ավագանու նիստում կքննարկվի առաջարկը
Ռեջեփ Թայիփ Էրդողանը դատի է տվել Թուրքիայի ընդդիմության առաջնորդին
Քաղաքականություն
29.03.2018 | 20:11
Թուրքիայի նախագահ Ռեջեփ Թայիփ Էրդողանը դատական հայց է ներկայացրել գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) առաջնորդ Քեմալ Քըլըչդարօղլուի դեմ՝ պահանջելով 250.000 թուրքական լիրա (63000 դոլար) փոխհատուցում. տեղեկացնում է ermenihaber-ը:
Դատական հայցի առարկան օրեր առաջ Քըլըչդարօղլուի արած հայտարարությունն է, որում Էրդողանին անվանել էր «Ֆեթթոլահական ահաբեկչական կազմակերպություններ»-ի (FETÖ-գյուլենականներ շարժում) քաղաքական թև:
«FETÖ-ի քաղաքական թևը չբացահայտելու համար է երկրում արտակարգ դրությունը երկարաձգվում: Առաջին անգամ եմ ասում՝ FETÖ-ի թիվ մեկ քաղաքական թևը հանրապետության նախագահի աթոռը զավթած անձն է»,- ասել էր Քըլըչդարօղլուն:
Այս հայտարարությունից հետո Էրդողանի գլխավորած իշխող «Արդարություն և զարգացում կուսակցության» (AKP-ԱԶԿ) փոխնախագահ Հայաթի Յազըջըն հայտարարել էր, որ Քըլըչդարօղլուն դեռ կվճարի իր այդ խոսքերի համար:
