23.08.2026 | 12:20
Նաիր Թիկնիզյանը նորամուտն է նշել «Օլիմպիակոսում»
ՀՀ սահմանը նկարագրված է վարչատարածքային բաժանման օրենքում․ մենք ելնում ենք այդ իրողությունից․ Փաշինյան․ ՏԵՍԱՆՅՈՒԹ
Քաղաքականություն
27.10.2021 | 17:55
Հայաստանի Հանրապետության սահմանը չի փոխվել: ԱԺ-Կառավարություն հարցուպատասխանի ընթացքում այս մասին հայտարարեց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Արթուր Ղազինյանի հարցին:
«ՀՀ սահմանը նկարագրված է 2010թ. ընդունված (այդ թվում նաև ձեր քաղաքական ուժի կողմից ) վարչատարածքային բաժանման օրենքում, որտեղ նկարագրված է, թե Հայաստանը որտեղ է ավարտվում և որտեղ է սկսվում Ադրբեջանը: Մենք այսօր ելնում ենք այդ իրողությունից, ինչը չի նշանակում, թե 100 տոկոսանոց ճշգրիտ է։ Մենք ասում ենք, որ Սոթք-Խոզնավար տարածքում Ադրբեջանի զինված ուժերը խախտել են մեր սահմանը, մնացած հատվածներում ունենք որոշակի ստատուս քվո։ ՀՀ տարածքն այն է, ինչ 2010-ին ֆիքսվել է։ Այլ բան է, որ սահմանը ճշգրիտ չէ և սահմանազատման ու սահմանագծման խնդիր ունի»,- նշեց Փաշինյանը։
Վարչապետը հավելեց, որ հայ-վրացական սահմանին էլ կան տեղեր, որոնք ճշգրիտ չենք կարող ասել, թե մեր սահմանը որտեղով է անցնում։ Նիկոլ Փաշինյանն ընդգծեց, որ քանի դեռ սահմանազատում ու սահմանագծում արված չէ, այդ խնդիրը կա, բայց ՀՀ տարածքը ոչ մի փոփոխություն չի կրել։
Մանրամասները՝ տեսանյութում:
