18.12.2025 | 23:24
ՀՀ տարածքում ավտոճանապարհները հիմնականում անցանելի են
Թվային անհամապատասխանություն կա․ քանի՞ մարդ է մահացել քովիդից․ պատգամավորը՝ նախարարին․ ՏԵՍԱՆՅՈՒԹ
27.10.2021 | 17:44
Ազգային վիճակագրական ծառայության տվյալներով` նախորդ տարի 3545 մարդ է մահացել կորոնավիրուսի հետևանքով, իսկ հիվանդությունների կանխարգելման և վերահսկման ազգային կենտրոնի տվյալներով` 2828։ Այս մասին ԱԺ-ում կառավարության անդամների հետ հարցուպատասխանի ժամանակ հայտնեց «Պատիվ ունեմ» խմբակցության պատգամավոր Թագուհի Թովմասյանը:
Թովմասյանը, դիմելով առողջապահության նախարար Անահիտ Ավանեսյանին՝ հետաքրքրվեց՝ կա՞ արդյոք հստակ թիվ կորոնավիրուսի հետևանքով մահացածների, և ինչո՞ւ է խճճված վիճակագրությունը
«Կորոնավիրուսի հետևանքով մահացածների թվի հետ կապված «տարբերության» համար հանձնաժողով է ստեղծվել»,- հայտարարեց ՀՀ առողջապահության նախարար Անահիտ Ավանեսյանը։
«Հիմա ստուգում ենք երկու կառույցների ներկայացրած տվյալները, և երբ այդ աշխատանքները կամփոփվեն, կհայտնենք այդ մասին։ Վիճակագրությունը հստակ է, որևէ խճճելու հարց չկա»,- նշեց Ավանեսյանը։
Նրա խոսքով` հարցն այն է, որ փուլ առ փուլ են անցել էլեկտրոնային համակարգի, և հիմա ճշտում են, թե որ փուլում են տվյալները դուրս մնացել։ Սակայն, ըստ նախարարի, ընդհանուր վիճակագրությունից որևէ տվյալ դուրս չի մնացել։
Մանրամասները՝ տեսանյութում:
