07.10.2026 | 23:48
Արթուր Դանիելյանը կալանավորվեց
Գուցե լինի համաձայնեցված որևէ տեքստի հրապարակում, բայց շրջանառվող 2 փաստաթղթերի ստորագրում չի նախատեսվում. ԱԳ նախարար․ ՏԵՍԱՆՅՈՒԹ
Քաղաքականություն
27.10.2021 | 17:13
«Այս պահին որևէ հանդիպում այդ ֆորմատով նախատեսված չէ»,- այս մասին ԱԺ-ում կառավարության անդամների հետ հարցուպատասխանի ժամանակ հայտարարեց ՀՀ արտաքին գործերի նախարար Արարատ Միրզոյանը՝ անդրադառնալով «Քաղաքացիական պայմանագիր» խմբակցության պատգամավոր Սոնա Ղազարյանի դիտարկմանն այն մասին, որ մամուլում շրջանառվող տեղեկության համաձայն՝ նոյեմբերի 9-ին Մոսկվայում Հայաստանի և Ադրբեջանի ղեկավարները նոր փաստաթուղթ են ստորագրելու, որը վերաբերելու է դեմարկացիային և դելիմիտացիային, և խոսք է լինելու նաև կոմունիկացիաների մասին:
«Օրեր առաջ այս և այլ հարցերի վերաբերյալ արտգործնախարարությունն արդեն մեկնաբանություններ արել է,- նշեց արտգործնախարարը:- Քննարկվում են տարբեր ֆորմատներով հանդիպումների առաջարկներ, և ենթադրաբար այդպիսի հանդիպումների արդյունքում գուցե լինի համաձայնեցված որևէ տեքստի հրապարակում:
Բայց անդրադառնալով մամուլի հրապարակումներին՝ ուզում եմ ասել, որ այդ 2 բովանդակությամբ փաստաթղթերի ստորագրում, անշուշտ չի նախատեսվում»:
Մանրամասները՝ տեսանյութում:
