16.12.2025 | 10:46
Արմեն Գրիգորյանը Լոնդոն կմեկնի․ երկկողմ հանդիպում է նախատեսված
Կան պետական մարմիններ, որոնք չեն իրականացնում իրենց գործառույթը և մտնում են այլ ոլորտներ․ Մարտիրոսյան. ՏԵՍԱՆՅՈՒԹ
Հասարակություն
26.10.2021 | 15:05
Որևէ մեկի կողմից խնդրի քննարկման հրավեր չենք ստացել, նման քննարկում չի եղել: Այս մասին «Խոշտանգման գործերի նախաքննությունը փոխանցվում է ԱԱԾ քննիչներին. հետընթաց խոշտանգումների դեմ պայքարո՞ւմ» թեմայով կազմակերպված առցանց քննարկման ժամանակ նշեց «Թրանսփարենասի Ինթերնեշնլ հակակոռուպցիոն կենտրոնի» իրավական հարցերով փորձագետ Հայկ Մարտիրոսյանը:
«ՀՔԾ լուծարման խնդիրը բարձրացվել է Հակակոռուպցիոն կոմիտեի ձևավորման հարցի հետ, որը դեռևս 2019թ. ռազմավարությամբ է նախատեսված: Տեսաք, թե պետությունն ինչպիսի քաղաքականություն դրսևորեց հակակոռուպցիոն գործեր քննող միասնական մարմնի ղեկավարի ձևավորման հարցում:
Մենք պարտադրում ենք, որ ինստիտուցիոնալ անկախություն ձևավորվի խորհրդարանական երկրում, այսինքն՝ խորհրդարանն ընտրի այս մարմնի ղեկավարին՝ թեկուզ սահմանադրական փոփոխությունների ուժով, բայց տեսանք, որ վարչապետի նշանակմանը հանձնվեց այս գործառույթը:
ՀՔԾ-ն ենթարկվելու է վարչապետին և ՀՔԾ պետն է նշանակելու խոշտանգումների գործերով զբաղվող վարչության պետին, այնպես որ կարգավիճակի տեսանկյունից ուրիշ ոչ մի բան չի փոխվել»,- նշեց Հայկ Մարտիրոսյանը:
Փորձագետի դիտարմամբ՝ կան պետական մարմիններ, որոնք չեն իրականացնում իրենց գործառույթը. «Խոսքը վերաբերում է ԱԱԾ-ին, իրավապահ այլ մարմիններին, որոնք փորձում են ներխուժել այն ոլորտներ, որոնք իրենց գործառույթների դաշտը չեն: Եվ խոշտանգումների գործերի քննությունը ԱԱԾ-ին հանձնելը առաջին հերթին ցույց է տալիս պետության քաղաքականությունը»:
Մանրամասները՝ տեսանյութում:
