29.06.2026 | 14:16
«Դադարեցրե՛ք դա»․ Օրբելյանի և Սեդա Սաֆարյանի վեճից հետո փաստաբանին նկատողություն հայտարարվեց․ ՏԵՍԱՆՅՈՒԹ
Վրաստանի Արդարադատության նախարարության շենքի մոտ բողոքի ցույց է՝ ի աջակցություն Սաակաշվիլիի
Քաղաքականություն
25.10.2021 | 19:25
Վրաստանի Արդարադատության նախարարության շենքի մոտ բողոքի ցույց է կազմակերպվել՝ ի պաշտպանություն երկրի նախկին նախագահ Միխայիլ Սաակաշվիլիի։ Քաղաքացիական ակտիվիստներն ու ընդդիմադիր գործիչները պահանջում են Սաակաշվիլիին հոսպիտալացնել ոչ թե բանտային, այլ բազմամասնագիտական հիվանդանոցում, գրում է Գրուզիա օնլայնը։
Ցուցարարները «Ազատություն Վրաստանի երրորդ նախագահին» գրությամբ պաստառներով են։
Հիշեցնենք, որ Միխայիլ Սաակաշվիլին Ուկրաինայից հեռացել և լաստանավով Վրաստան է մուտք գործել սեպտեմբերի 28-ին՝ թաքնվելով բեռնատարում, որը կաթնամթերք է տեղափոխել։ Սաակաշվիլին Վրաստանում ձերբակալվել է հոկտեմբերի 1-ին․ հայրենիքում նա մի քանի քրեական գործերով է անցնում։ Նախկին նախագահին հեռակա դատապարտել են բանկիր Սանդրո Գիրգվլիանիի սպանության և պատգամավոր Վալերի Գելաշվիլիին ծեծի ենթարկելու գործերով: Առաջին դեպքում Սաակաշվիլիին դատապարտել են 3 տարվա, երկրորդ գործով՝ 6 տարվա ազատազրկման։
Ազատազրկման օրվանից ի վեր Սաակաշվիլի հացադուլ է հայտարարել և հրաժարվում է հոսպիտալացվել բանտային հիվանդանոցում։
Տաթև Ֆռանգյան
