16.12.2025 | 16:15
Ամոթ է ուսադիր կրող մարդու համար․ Պապիկյանը՝ պահեստազորի փոխգնդապետի հայտարարության մասին. ՏԵՍԱՆՅՈՒԹ
Մարզերում 2016 թ.-ի ցուցանիշների համեմատությամբ 2017 թ.-ին արձանագրվել է զգալի դրական աճ. վարչապետ
Տնտեսություն
29.03.2018 | 11:28
ՀՀ կառավարության այսօրվա նիստին վարչապետ Կարեն Կարապետյանը հանդես եկավ հերթական հանձնարարականներով, որոնցից մեկը վերաբերում էր մարզպետարանների 2018 թվականի գործունեությանը:
«Մարզերի 2017 թվականի հաշվետվությունների ուսումնասիրման և մարզային խորհրդակցությունների արդյունքում, պետք է ընդգծել, որ բոլոր մարզերում 2016 թվականի ցուցանիշների համեմատությամբ 2017 թվականին արձանագրվել է զգալի դրական աճ, այդ թվում՝ ֆինանսական, գյուղատնտեսական, սոցիալական, ինչպես նաև շինարարության, աղբահանության և այլ ոլորտներում»,- ասաց Կառավարության ղեկավարը:
Կարապետյանը հիշեցրեց, որ Տարածքային կառավարման և զարգացման նախարարության կողմից մշակվել են 2018 թվականի մարզպետարանների գործունեության պլանային իրատեսական ցուցանիշները, որոնք սակայն ոչ ամբողջությամբ են իրացվել համապատասխան տարեկան ծրագրերում։
«Ելնելով վերոնշյալից հանձնարարում եմ՝ տարածքային կառավարման և զարգացման, ֆինանսների նախարարներին և մարզպետներին՝ մեկամսյա ժամկետում ձեռնարկել միջոցներ մարզպետարանների տարեկան գործունեության ծրագրերը վերանայելու ուղղությամբ, հատկապես անդրադառնալով մեկ շնչին ընկնող համայնքների սեփական եկամուտների աճի ցուցանիշներին, համայնքային բյուջետային միջոցների հավաքագրման, ծախսային, համայնքներում աղբահանություն և սանիտարական մաքրման աշխատանքները ծաղսափակ եղանակով կատարելու համար անհրաժեշտ ցուցանիշներին։ Իրականացված աշխատանքների մասին ներկայացնել հաշվետվություն Կառավարության աշխատակազմ»,- շեշտեց վարչապետը:
Բացի այդ, Կարապետյանը հանձնարարեց տարածքային կառավարման և զարգացման նախարարին և մարզպետներին մարզպետարանների աշխատակազմի և ենթակայությամբ գործող այն ոլորտներում, մարմիններում որտեղ արձանագրվել են բացթողումներ, օրենքով սահմանված կարգով անդրադառնալ նաև կադրային փոփոխությունների հարցերին։
