08.09.2026 | 12:46
Շատ խիստ կպատժվեք, եթե շարունակեք ձեր բերանը բացել անպարկեշտ ձևով. Ավինյանը` Զարոկյանին. ՏԵՍԱՆՅՈՒԹ
ԿԲ-ն հավակնոտ է համարում 2022 թ․-ի ՀՀ բյուջեի նախագիծը․ ՏԵՍԱՆՅՈՒԹ
Տնտեսություն
25.10.2021 | 13:12
ԿԲ-ի ընդհանուր գնահատմամբ` 2022-ի պետբյուջեի նախագիծը բավական հավակնոտ է և ենթադրում է տնտեսական աճի և ներուժի էական ավելացում ու արագացում։ 2022-ի բյուջեի նախնական քննարկման ժամանակ այս մասին հայտնեց Կենտրոնական բանկի նախագահի տեղակալ Ներսես Երիցյանը։
ԿԲ նախագահի տեղակալը հավելեց, որ հաջորդ տարի նախատեսվող տնտեսական բարձր աճի` 7 տոկոս ապահովելու հիմքում մեծածավալ պետական ներդրումների իրականացումն է։
Երիցյանի խոսքով` կապիտալ ներդրումների ծրագրով նախորդ տարվա համեմատ էական աճ են նախատեսել` 7.3 մլրդ դրամի մասին է խոսքը։ Սա, ըստ նրա, պայմանավորված է ռազմավարական նշանակության նախագծերով, մասնավորապես, ԿԲ նշանակալից նախագծերից է կիբեռանվտանգության կենտրոնի և տեղեկատվական հարթակի ստեղծումը։
2022-ին նախանշվում է պետական բյուջեի պակասուրդի կրճատում` 1.6 տոկոսային կետով ՀՆԱ–ի մեջ, որը կկազմի 3.1 տոկոս։
«Կառավարության պարտք – ՀՆԱ ցուցանիշում 0.7 տոկոս կրճատում կլինի` կազմելով 60.2 տոկոս։ Բացի այդ, 2022-ին նախատեսվում է հարկեր-ՀՆԱ ցուցանիշի էական` 0.9 տոկոսային կետ ավելացում, որի պայմաններում պետբյուջեի եկամուտները համախառն պահանջարկի վրա կունենան զսպող ազդեցություն»,–ասաց Երիցյանը։
Մանրամասները՝ տեսանյութում:
