18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Բանտային հիվանդանոցի պայմանները թույլ չեն տալիս ապահովել Սաակաշվիլիի անվտանգությունն ու որակյալ բուժումը․ Վրաստանի օմբուդսմեն
Քաղաքականություն
25.10.2021 | 12:03
Վրաստանի օմբուդսմեն Նինո Լոմջարիան կարծում է, որ հատուկ քրեակատարողական ծառայության թիվ 18 բուժհաստատությունը, որտեղ երեք շաբաթից ավելի հացադուլի մեջ գտնվող նախկին նախագահ Միխայիլ Սահակաշվիլին առողջական վիճակի վատթարացման դեպքում կարող է տեղափոխվել, անվտանգ չէ նրա համար, գրում է Ինտերֆաքս-Ուկրաինան:
Օմբուդսմենի տարածած հայտարարության մեջ ասվում է, որ հոկտեմբերի 24-ին Վրաստանի հանրային պաշտպանի ներկայացուցիչները ստուգումներ են անցկացրել թիվ 18 բուժհաստատությունում և եկել եզրակացությանը, որ այն չի բավարարում Սաակաշվիլիին անհրաժեշտության դեպքում լիարժեք բժշկական օգնություն տրամադրելու համար։
Հայտարարության մեջ, մասնավորապես, ասվում է, որ բանտային այս բուժհաստատությունը չի համապատասխանում Սաակաշվիլիի վիճակին հսկող բժիշկների խմբի եզրակացություններին ու առաջարկություններին, և որ «կան անվտանգության որոշակի ռիսկեր»։
«Օրինակ՝ այս հաստատությունը չի կարողանա իրականացնել մագնիսառեզոնանսային հետազոտություն, համակարգչային տոմոգրաֆիա, դուպլեքս սքանավորում, ինչպես նաև այս պահին հիմնարկը չունի ռեանիմատոլոգ, սակայն, ինչպես պարզաբանում է հիմնարկության տնօրինությունը, մոտ ապագայում համապատասխան մասնագետ կլինի»,- ասված է օմբուդսմենի հայտարարության մեջ։
Բացի այդ, օմբուդսմենը ռիսկեր է տեսնում այլ բանտարկյալների հետ հնարավոր միջադեպերի առումով։
Տաթև Ֆռանգյան
