30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ընդդիմությունը վերսկսում է Փաշինյանի հրաժարականի պահանջով ցույցերը. հայտնի են օրերը
Քաղաքականություն
24.10.2021 | 17:06
Ընդդիմությունը վերսկսում է հակակառավարական ցույցերը: Դաշնակության Հայաստանի ԳՄ ներկայացուցիչ Իշխան Սաղաթելյանը Երևանի քաղաքապետարանին տեղեկացրել է նոյեմբերի 9-ին և 10-ին ժ.18.00-20.30 Ազատության հրապարակում հավաքների անցկացնելու մտադրության մասին: Քաղաքապետարանն այսօր հայտարարությամբ տեղեկացրեց, որ այն ընդունվել է ի գիտություն:
Նշենք, որ նոյեմբերի 9-ը և 10-ը պատահական օրեր չեն: Նախորդ տարի այս օրերին Հայաստանի, Ադրբեջանի և Ռուսաստանի ղեկավարների կողմից ստորագրվեց հայտարարություն, որով Արցախում կանգ առան 44 օր շարունակվող մարտական գործողությունները: Ընդդիմությունն այդ փաստաթուղթը համարում է կապիտուլյացիա:
Հիշեցնենք, որ իշխանափոխության պահանջով՝ փողոցային պայքարի մասին այս ամսվա սկզբին հրավիրված մամուլի ասուլիսի ընթացքում հայտարարել էր «Հայաստան» դաշինքի ղեկավար Ռոբերտ Քոչարյանը:
Նշենք նաև, որ ընդդիմությունը պատերազմից հետո ևս իշխանափոխության պահանջով դուրս էր եկել փողոցային պայքարի, բայց հաջողություն չունեցավ: Ուշագրավ է՝ ընդդիմությունը Նիկոլ Փաշինյանի հրաժարականը պահանջում է մի քանի ամիս առաջ տեղի ունեցած արտահերթ ընտրություններից հետո: Փաշինյանի ղեկավարած ուժը, այդ ընտրություննրի արդյունքներով, Հայաստանում կրկին իշխանություն ձևավորեց:
Նարեկ Կիրակոսյան
