16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ի պետքարտուղարությունը պարզաբանում է պահանջել Թուրքիայից իր դեսպանին արտաքսելու համար
Քաղաքականություն
24.10.2021 | 12:25
Ինչպես արդեն տեղեկացրել էինք, Թուրքիայի նախագահ Ռեջեփ Թայիպ Էրդողանը հայտարարել է, որ Թուրքիայի ԱԳՆ-ին հրահանգել է անցանկալի անձ հայտարարել 10 երկրի դեսպանների, որոնք կոչ են արել ազատ արձակել իրավապաշտպան Օսման Քավալային։
Այդ երկրներն են ԱՄՆ-ն, Կանադան, Ֆրանսիան, Ֆինլանդիան, Նորվեգիան, Դանիան, Շվեդիան, Գերմանիան, Նիդեռլանդները և Նոր Զելանդիան․ նրանք հանդես են եկել հայտարարություններով առ այն, որ Անկարայի կողմից պարզաբանման են սպասում, գրում է ՌԻԱ Նովոստին։
ԱՄՆ-ի պետքարտուղարոությունը, մասնավորապես, հայտնել է․
«Մենք ծանոթացել ենք այդ հաղորդագրությունների հետ և փորձում ենք պարզաբանումներ ստանալ Թուրքիայի արտաքին գործերի նախարարությունից»։
Կայքը, նշում է, որ Քավալան Anadolu Kültür AŞ մշակութային ֆոնդի հիմնադիրն էր, որը, մասնավորապես, աջակցում էր կրոնական ու էթնիական պրոեկտների իրականացմանը։ Դրանք հաճախ ունեցել են միջազգային ուղղվածություն, ինչպես օրինակ` հայերի ու թուրքերի հաշտեցումն ու քրդական հարցի լուծումը:
