10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ծանր վիրավորանքի տակ կարող է ընկալվել սուր խոսքը, քննադատությունը․ սա կավելացնի ԶԼՄ-ների դեմ հայցերը․ ՏԵՍԱՆՅՈՒԹ
Հասարակություն
22.10.2021 | 15:25
«Որևէ մեկը չի պատրաստվում պաշտպանել հայհոյողներին, բայց նաև պետք է ընդգծել, որ ծանր վիրավորանքի տակ շատ հաճախ կարող է ընկալվել սուր խոսքը, սուր քննադատությունը»,- «ԽԱՊԿ 2021թ. երրորդ եռամսյակի զեկույցը Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին» թեմայով այսօր հրավիրված մամուլի ասուլիսում նշեց Խոսքի ազատության պաշտպանության կոմիտեի նախագահ Աշոտ Մելիքյանը՝ անդրադառնալով հայհոյանքը քրեականացնելու մասին օրենքին, որը վերջին շրջանում ընդունվեց Ազգային ժողովի կողմից:
«Մենք գիտենք, որ հատկապես պաշտոնյաները, քաղաքական գործիչները քննադատությունն էլ են ընկալում որպես վիրավորանք, դիմում դատարաններ՝ հաշիվ մաքրելու համար։ Այս օրենքի վատը նաև այն է, որ խտրականություն է դրվում հասարակության տարբեր հատվածների միջև»,- նշեց Մելիքյանը:
Նրա կարծիքով՝ այս օրենքը կավելացնի ընդդեմ լրատվամիջոցերի ու լրագրողների դատական հայցերի հոսքը։ Մելիքյանը հայտնեց, որ դիտարկվող ժամանակահատվածում արձանագրվել է 15 նոր հայց ընդդեմ լրագրողների և լրատվամիջոցերի, որոնց մեծ մասը ներկա և նախկին պաշտոնյաների ու պետական մարմինների կողմից է:
Մանրամասները՝ տեսանյութում:
