18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Վրաստանի վարչապետը բացառել է Սաակաշվիլիի վաղաժամ ազատ արձակումը
Քաղաքականություն
21.10.2021 | 21:28
Բանտից Վրաստանի նախկին նախագահի վաղաժամ ազատ արձակումը բացառվում է․ նա պատիժը կկրի առնվազն 6 տարի։ ՏԱՍՍ-ի փոխանցմամբ՝ այս մասին լրագրողներին հայտնել է Վրաստանի վարչապետ Իրակլի Ղարիբաշվիլին։
«Միտումնավոր կերպով տեղեկություններ են տարածվում, որ, իբր, նա 6 տարի չի լինի անազատության մեջ, նրան կհանձնեն Ուկրաինային և այլն: Բացառված է, որ Սաակաշվիլին բանտից ժամանակից շուտ դուրս գա: Նա բանտում կանցկացնի առնվազն 6 տարի»,- ասել է Ղարիբաշվիլին:
Հիշեցնենք, որ Միխայիլ Սաակաշվիլին Վրաստանում ձերբակալվել է հոկտեմբերի 1-ին․ հայրենիքում նա մի քանի քրեական գործերով է անցնում։ Նախկին նախագահին հեռակա դատապարտել են բանկիր Սանդրո Գիրգվլիանիի սպանության և պատգամավոր Վալերի Գելաշվիլիին ծեծի ենթարկելու գործերով: Առաջին դեպքում Սաակաշվիլիին դատապարտել են 3 տարվա, երկրորդ գործով՝ 6 տարվա ազատազրկման։
Տաթև Ֆռանգյան
