30.07.2026 | 10:41
Անօրինական միգրացիայի կազմակերպման համար մեղադրվող անձը հանձնվել է Մոլդովայի իրավասու մարմիններին. Գլխավոր դատախազություն
Միխայիլ Սաակաշվիլին հրաժարվում է բանտային հիվանդանոց տեղափոխվել
Քաղաքականություն
21.10.2021 | 16:26
Վրաստանի նախկին նախագահ Միխայիլ Սաակաշվիլիի փաստաբան Բեքա Բասիլայան հայտարարել է, որ Սաակաշվիլին և նրա պաշտպանները համաձայն չեն 18-րդ քրեակատարողական հիմնարկի կլինիկայում հոսպիտալացման հետ, գրում է Գրուզիա օնլայնը:
Բասիլայան ասել է, որ Սաակաշվիլիի անվտանգությունը քրեակատարողական ծառայության 18-րդ բուժհաստատությունում չի ապահովվի։
«Մի քանի օր առաջ նրանք ասացին, որ պաշտպանական կողմը պետք է մատնանշի Թբիլիսիի ցանկացած կլինիկա, և այնտեղ հոսպիտալացնեն Միխայիլ Սաակաշվիլիին։ Երեկ մենք լսեցինք արդարադատության նախարարի հայտարարությունը, որ Միխայիլ Սաակաշվիլին հոսպիտալացվելու է 18-րդ հաստատությունում: Սա ուղղակիորեն հրաժարում է այն գործելակերպից, որին երկար տարիներ հետևել են բանտի վարչակազմը և քրեակատարողական ծառայությունը: Սա ուղղակի ցուցում է։ Նրանք թքած ունեն Միխայիլ Սաակաշվիլիի անվտանգության վրա։ Հիմա ասում են, որ նրան պետք է տեղափոխեն Գլդանիի 18-րդ հիմնարկ, որտեղ տարբեր պատճառներով հազարավոր բանտարկյալներ ու դատապարտյալներ կան, սադրանք են ուզում անել»,- ասել է Բասիլայան։
Տաթև Ֆռանգյան
