18.07.2026 | 18:39
Իրանը հայտարարել է, որ ԱՄՆ հարվածից հետո շուրջ 30 գյուղ մնացել է առանց խմելու ջրի
Արդյոք չարժե՞ ցածր արդյունքներ գրանցած ուսուցիչների համար բացասական հետևանքներ առաջացնել. Քյարամյան. ՏԵՍԱՆՅՈՒԹ
Հասարակություն
21.10.2021 | 11:58
Կամավոր ատեստավորմանը մասնակցած 996 ուսուցչից 468-ը, ըստ գիտելիքների ստուգման արդյունքում ստացած միավորների, կստանա 30, 40 կամ 50 տոկոս հավելավճար։ 538 ուսուցիչ ատեստավորումը չի անցել։ Կառավարության նիստում այս մասին տեղեկացրեց ԿԳՄՍ նախարար Վահրամ Դումանյանը։
«Ատեստավորումը չանցած ուսուցիչների նկատմամբ որևէ բացասական հետևանք նախատեսվա՞ծ է։ Եթե նախատեսված չէ, արդյոք չարժի՞ ակնհայտ ցածր արդյունքներ գրանցած ուսուցիչների համար որոշակի բացասական հետևանքներ առաջացնել»,- ԿԳՄՍ նախարարին և վարչապետին այս հարցն ուղղեց Քննչական կոմիտեի նախագահ Արգիշտի Քյարամյանը:
Վարչապետ Նիկոլ Փաշինյանն արձագանքեց՝ նշելով, որ ուսուցիչներին պետք է հնարավորություն տալ երկրորդ, երրորդ, գուցե նաև չորրորդ անգամ. «Եվ իհարկե վերջնարդյունքում որակավորում չհաստատած որևէ ուսուցիչ չպետք է դպրոցում աշխատի: Սա է մեր ռազմավարական նպատակը»:
ԿԳՄՍ նախարար Վահրամ Դումանյանը հավելեց, որ այս փուլում ոչ միայն չի կարելի բացասական վերաբերմունք դրսևորել ատեստավորում չանցած ուսուցիչների նկատմամբ, այլ նաև պետք է խրախուսել ուսուցիչների մասնակցությունը ատեստավորման գործընթացին:
Մանրամասները՝ տեսանյութում:
