Պետական դավաճանության մեջ մեղադրվող ամբաստանյալը հուզվեց․ դատարանը որոշեց նիստերը դռնփակ անցկացնել

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Երևան քաղաքի ընդհանուր իրավասության առաջին ատյանի դատարանի Կենտրոնի նստավայրում, պարբերակա հետաձգումներից հետո, այսօր շարունակվեց պետական դավաճանության մեջ մեղադրվող Մայիս Սահակյանի և Ստելլա Սարգսյանի գործով դատական նիստը։

Նիստի սկզբում դատավոր Գագիկ Պողոսյանը Ստելլա Սարգսյանից հետաքրքրվեց՝ նախաքննության ընթացքում տեղեկացված եղե՞լ է իր իրավունքների և պարտականությունների մասին։ Ամբաստանյալը բացասական պատասխան տվեց, ինչը զարմացրեց դատավորին․ Պողոսյանը նկատեց, որ Սարգսյանը փաստաթղթում նշել է, որ ծանոթացել է իրավունքներին․

«Տեղյակ չեմ եղել իմ պարտականություններին ու իրավունքներին, ուղղակի վերջում թուղթը տվել են, ստորագրել եմ»,- ասաց ամբաստանյալը։

Դատավոր Պողոսյանը փորձեց հասկանալ նաև, թե դատարանի կողմից տրամադրված իրավունքների և պարտականությունների մասին փաթեթը ստացել և ծանոթացե՞լ է։ Ստելլա Սարգսյանն ասաց՝ ստացել է, կարդացել է, բայց չի հասկացել։ Նա դատարանից պահանջեց կարդալ և պարզաբանել իր իրավունքները։ Ամբաստանյալի խոսելու տոնը զայրացրեց Գագիկ Պողոսյանին։

«Դուք մտավոր խնդիրնե՞ր ունեք»,- դատավորի այս հարցից Ստելլա Սարգսյանը հուզվեց և չկարողացավ շարունակել խոսքը։

Դատական նիստն ընդմիջվեց․ վերսկսվելուց հետո Սարգսյանի պաշտպանը դատարանին հայտնեց, որ միջնորդություն ունի, որը պետք է ներկայացնի և քննարկվի դռնփակ։ Գագիկ Պողոսյանը խնդրեց լրատվամիջոցներին դուրս գալ նիստերի դահլիճից, որից 10 րոպե անց դատական կարգադրիչը դրսում սպասող լրագրողներին տեղեկացրեց, որ դատարանը որոշել է այս գործով նիստերն այսուհետ դռնփակ անցկացնել։

Հիշեցնենք, որ ըստ մեղադրանքի՝ Մայիս Սահակյանը կնոջ՝ Ստելլա Սարգսյանի օժանդակությամբ լրտեսության, ռազմական բնագավառում պետական և ծառայողական գաղտնիքի շարքին դասվող տեղեկություններ հավաքելու և հանձնելու, ինչպես նաև թշնամական գործունեություն իրականացնելու համար օտարերկրյա կազմակերպության ներկայացուցչին այլ օգնություն ցույց տալու եղանակով կատարել է պետական դավաճանություն՝ ի վնաս Հայաստանի Հանրապետության տարածքային անձեռնմխելիության և արտաքին անվտանգության:

Ստելլա Սարգսյանին մեղադրանք է առաջադրվել այն բանի համար, որ նա ամուսնու՝ Մայիս Զավենի Սահակյանի կողմից լրտեսության, ռազմական բնագավառում պետական և ծառայողական գաղտնիքի շարքին դասվող տեղեկություններ հավաքելու ու հանձնելու, ինչպես նաև թշնամական գործունեություն իրականացնելու համար օտարերկրյա կազմակերպության ներկայացուցչին այլ օգնություն ցույց տալու եղանակով պետական դավաճանություն կատարելուն օժանդակելու դիտավորությամբ, տրամադրել է անհրաժեշտ միջոցներ, ինչպես նաև վերացրել է այդ կապակցությամբ առկա խոչընդոտները:

Մայիս Սահակյանը կալանքի տակ է, Ստելլա Սարգսյանը՝ ազատության մեջ:

Ռոզա Վարդանյան