19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Շրջված «Գազելը» բանվորներ է տեղափոխելիս եղել
Հասարակություն
20.10.2021 | 11:55
Այսօր առավոտյան ժամը 07։04-ի սահմաններում Երևան-Գյումրի ավտոճանապարհի 51-րդ կիլոմետր հատվածում`Կաքավաձորի մոտ, քարերին ու արգելապատնեշներին բախված և շրջված «Գազելը», մեր տեղեկություններով, կանոնավոր ուղևորափոխադրում իրականացնելիս չի եղել։
Նախնական տվյալներով՝ մեքենայի ուղևորները եղել են բերքահավաքի նպատակով մեկնող բանվորներ։
Ոստիկանության լրատվական ծառայությունից մեզ փոխանցեցին, որ վիրավորներից 7-ին տեղափոխել են Երևան` Արմենիա բժշկական կենտրոն, 3-ին՝ Աշտարակի հիվանդանոց։ Հիվանդանոց տեղափոխվածներից մի քանիսի ինքնությունը ճշտվել է, 3-ը գյումրեցիներ են, վիրավորների մեջ կան նաև Վանաձորի բնակիչներ։
Ոստիկանության պաշտոնական կայքի հաղորդմամբ ձեռնարկվում են միջոցառումներ՝ վարորդի, մահացածների և հիվանդանոց տեղափոխվածների ինքնությունը պարզելու ուղղությամբ: Կատարվում է նախաքննություն։
Արմիկ Մովսիսյան
