Քաղաքականություն
19.10.2021 | 12:53«Փելա սարի հարցով հաստատում եմ ԱԱԾ-ի հայտարարությունը»,- լրագրողների հետ զրույցում այս մասին ընդգծեց Պաշտպանության փոխնախարար Արման Սարգսյանը՝ անդրադառնալով Կապանի Փայլասար բարձունքի՝ ադրբեջանական կողմին անցնելու տեղեկություններին։ Սարգսյանը հայտարարեց, որ տեղեկությունների մասին ԱԱԾ-ն արդեն հայտարարություն է տարածել, ինքն էլ միանշանակ հաստատում է ԱԱԾ հաղորդագրությունը։
«ՊՆ-ն ոչինչ չի թաքցնում, ինչը հնարավոր է հանրայնացնել՝ հանրայնացնում է։ Քանիցս խնդրել եմ հետևել պաշտոնական լրահսին, որևէ բան պատկան մարմինները չեն թաքցնում, որովհետև մեր երկիրը իր չափով, մարդկանց ակտիվությամբ այնպիսինն է, որ հնարավոր էլ չէ որև բան թաքցնել»։
Անդրադառնալով հարցին՝ արդյոք հայ զինծառայողները կանգնած են բարձունքին, փոխնախարարը պատասխանեց.
«Զորքերի, կահավորվածության, դիրքերի, դիրքերի քանակի, հեռավորության ու նմանատիպ այլ հարցերի պետական գաղտնիքի մասին օրենքով արգելվում է պատասխանել։ Եթե դրանց մասին տեղեկատվություն չեն տրամադրում, պատկան մարմինները հղում են անում այս օրենքի տարրերին»։
Փոխնախարարը նշեց՝ զերծ կմնա պատասխանել սահմանների մասին տեղեկություններ հաղորդելուն՝ այդ թվում, թե հիմա ձմեռվան պատրաստվելուն ուղղված ի՞նչ աշխատանքներ են իրականացնում։
Մանրամասները՝ տեսանյութում:
