14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
ՌԴ-ն նախ պետք է իր պարտավորությունները կատարի՝ նոր ձևաչափերից խոսելուց առաջ․ Պենտագոնի ղեկավարը՝ «3+3» հարթակի մասին
Քաղաքականություն
18.10.2021 | 17:36
Ռուսաստանը նախ պետք է կատարի 2008 թվականի հրադադարի համաձայնագրով ստանձնած իր պարտավորությունները, այնուհետև խոսի նոր ձևաչափերի ստեղծման մասին՝ ներառյալ, այսպես կոչված, «3+3» հարթակը։ Այս մասին հայտարարել է Վրաստանում գտնվող ԱՄՆ պաշտպանության նախարար Լլոյդ Օսթինը՝ մեկնաբանելով «3+3» տարածաշրջանային նոր ձևաչափի ստեղծման հնարավորությունը, հաղորդում է accentnews.ge-ն։
««3+3» ձևաչափի մասին կարող եմ ասել, որ Ռուսաստանը, որն օկուպացրել է Վրաստանի տարածքի 20 տոկոսը, պետք է կենտրոնանա 2008 թվականի հրադադարի համաձայնագիրը հարգելու ուղղությամբ՝ ցանկացած նոր ձևաչափերի մասին խոսելուց առաջ»,- ասել է Օսթինը Վրաստանի ՊՆ ղեկավարի հետ մամուլի ասուլիսի ժամանակ։
Նշենք, որ «3+3» ձևաչափը, որը, ինչպես նախատեսվում է, ընդգրկելու է Ռուսաստանը, Թուրքիան, Իրանը և Հայաստանը, Վրաստանը, Ադրբեջանը, տարածաշրջանային նոր հարթակի նախագիծ է, որն ակտիովորեն առաջ են մղում Ադրբեջանի և Թուրքիայի նախագահները։ Վերջերս դրա ստեղծման կարևորության մասին խոսել էր ՌԴ ԱԳ նախարար Սերգեյ Լավրովը։
Էմմա Չոբանյան
