17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Գորիս և Տեղ համայնքներում վարչական ռեսուրսի չարաշահումը եղել է էական․ «Անկախ դիտորդ»-ը՝ նախընտրական քարոզչության մասին. ՏԵՍԱՆՅՈՒԹ
Հասարակություն
18.10.2021 | 17:30
«Անկախ դիտորդ» դիտորդական առաքելությունը 2021 թ. հոկտեմբերի 17-ի առավոտյան 7:00-ից սկսած՝ դիտարկում է իրականացրել Ֆիոլետովո, Գորիս, Տաթև, Տեղ, Մեղրի, Դիլիջան և Գյումրի համայնքների ավագանու ընտրությունները ավելի քան 46 տեղամասերում և 4 Ընտրատարածքային ընտրական հանձնաժողովներում:
«Անկախ դիտորդ» հասարակական դաշինքի ներկայացուցիչներն այսօր հրավիրված ասուլիսում ներկայացրին ՏԻՄ ընտրությունների երկարաժամկետ և կարճաժամկետ դիտարկման արդյունքները:
«Քարոզարշավը մրցակցային էր, բայց թույլ էր, հատկապես Գյումրիում հիմնական ուժերը առաջին հայացքից ջանք ու եռանդ չէին խնայել ընտրողներին համոզելու մասով, բայց մյուս կողմից շատ ակտիվ էին առցանց հարթակներում:
Նախընտրական քարոզչական փուլում արձանագրվել են խախտումներ, որոնք վերաբերում են հիմնականում վարչական ռեսուրսի կիրառմանը»,- նշեց «Անկախ դիտորդ» հասարակական դաշինքի ներկայացուցիչ Վահրամ Թոքմաջյանը:
«Անկախ դիտորդ» հասարակական դաշինքի ներկայացուցիչ Դանիել Իոաննիսյանը հավելեց, որ Գորիս և Տեղ համայնքներում վարչական ռեսուրսի չարաշահումը եղել է էական:
Մանրամասները՝ տեսանյութում:
