22.01.2026 | 12:25
Ամուսին ուսուցիչները փորձել են մեկը մյուսի փոխարեն ատեստավորման թեստը լրացնել, բացահայտվել է. նախարար․ ՏԵՍԱՆՅՈՒԹ
Մենք կարող ենք մեր ոստիկաններին ուղարկել Ռուսաստան. Լևոն Շիրինյանը՝ ՌԴ ռազմական ոստիկանության ստորաբաժանումները Հայաստանում տեղակայելու մասին
Քաղաքականություն
27.03.2018 | 16:15
«Հայաստանի ներքին գործերին որևէ պետություն միջամտելու իրավունք չունի: Մենք ունենք թե՛ ոստիկանություն, թե՛ պետականություն, ունենք նաև անկախ սերունդ, որը մեր երկիրը կպաշտպանի»,- այս մասին այսօր լրագրողների հետ հանդիպմանն ասաց քաղաքագետ Լևոն Շիրինյանը՝ անդրադառնալով Գյումրու 102-րդ ռազմաբազայում և Երևանի զինվորական կայազորում ռուսական ռազմական ոստիկանության ստորաբաժանումների տեղակայմանը:
Հիշեցնենք՝ նախօրեին ՌԴ Հարավային ռազմական օկրուգի մամլո ծառայության տարածած հայտարարությունից պարզ դարձավ, որ Գյումրու զինվորական կայազորում պահպանվող օբյեկտները, ճանապարհային անվտանգ երթևեկությունը պահպանելու և ռազմական կարգապահություն սահմանելու համար ստեղծվում է զինվորական ոստիկանության ստորաբաժանում:
Քաղաքագետ Լևոն Շիրինյանն այս առնչությամբ ասաց՝ Հայաստանում առանց այն էլ ոստիկանների թիվը մեծ է, անգամ հեգնեց՝ կարելի է Հայաստանից ոստիկաններ ուղարկել Ռուսաստան:
«Երաշխիքներ չունենք, թե հետագայում այդ ստորաբաժանումներն ինչ կանեն և այդ դեպքում ավելի լավ է՝ չլինեն: Ինչների՞ս է պետք այդ ամենը, ուզո՞ւմ եք ռուսները ստուգեն ճանապարհներին»,- հավելեց Լևոն Շիրինյանը:
Մանրամասները՝ տեսանյութում:
