22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Արտաքսված ռուս դիվանագետների ընդհանուր թիվը 139-ն է. ևս 23 պետություն է հայտարարել ռուս դիվանագետների վտարման մասին
Քաղաքականություն
27.03.2018 | 15:21
Մեծ Բրիտանիայից հետո, վերջին տվյալներով, ևս 23 պետություն հայտարարել է «Սկրիպալի գործի» պատճառով ռուս դիվանագետների արտաքսման մասին, տեղեկացնում է interfax.ru-ն:
Ռուս դիվանագետների արտաքսման որոշում են կայացրել Եվրամիության 16 երկրներ, ինչպես նաև ԱՄՆ-ը, Կանադան, Ալբանիան, Մակեդոնիան, Նորվեգիան, Ուկրաինան և Ավստրալիան:
Այս պահի դրությամբ վերջին երկիրը, որը հայտարարել է ռուս դիվանագետների արատաքսման մասին՝ Ավստրալիան է:
Ավստրալիայի վարչապետ Մալքոլմ Թեռնբուլի և արտաքին գործերի նախարար Ջուլի Բիշոպի համատեղ հայտարարության մեջ նշված է, որ արտաքսվող երկու ռուս դիվանագետները հետախուզության չհայտարարված աշխատակիցներ են:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։ Հետագայում պարզվել է, որ խոսքը Սկրիպալի և նրա դստեր մասին է:
Այս միջադեպին հաջորդեց Միացյալ Թագավորության վարչապետ Թերեզա Մեյի հայտարարությունն առ այն, որ ՄԹ-ից կատաքսվի ՌԴ 23 դեսպան:
