16.09.2026 | 21:30
Քոչարյանի գրպանը 200 մլն դոլար չեն գցել․ անհնար է համոզել ՀՀ-ի ժողովրդին, որ գործը սարքած է․ Թագուհի Ղազարյան․ ՏԵՍԱՆՅՈՒԹ
Ոստիկանությունն առաջարկում է անձնագրերի վավերականության ժամկետը դարձնել երկու տարի
Հասարակություն
17.10.2021 | 18:59
ՀՀ ոստիկանությունն առաջարկում է Հայաստանի Հանրապետության քաղաքացիներին տրամադրվող անձնագրերի վավերականության ժամկետը նվազեցնել միանգամից 8 տարով՝ դարձնելով երկու տարի։ Կառավարության այս որոշման նախագիծը Ոստիկանությունը շրջանառության մեջ է դրել երեկ՝ e-draft իրավական ակտերի նախագծերի հրապարակման միասնական կայքում։
Ըստ Ոստիկանության հիմնավորման՝ որոշումը պայմանավորված է պետաիրավական նախարարական կոմիտեի 2021թ․ սեպտեմբերի 29-ի նիստին տրված հանձնարարականի կատարմամբ։ Թե կոնկրետ ինչ է հանձնարարականի մասին է խոսքը, նախագծում չի նշվում։
Նշենք, որ այս պահին գործող օրենքով՝ անձնագրային համակարգի կանոնադրությունը և ՀՀ քաղաքացու անձնագրի նկարագիրը սահմանված են կառավարության 1998 թվականի դեկտեմբերի 25-ի որոշմամբ, համաձայն որի՝ Հայաստանի Հանրապետության քաղաքացուն անձնագիրը տրամադրվում է 10 տարի վավերականության ժամկետով։
Հավելենք, որ այս պահի դրությամբ նախագիծն ունի 137 «դեմ» և 2 «կողմ» ձայն։ Օրինագիծն իրավական ուժ կստանա միայն կառավարությանն հավանությանն արժանանալուց հետո։ Ընդունվելու դեպքում՝ փոփոխությունն ուժի մեջ կմտնի պաշտոնական հրապարակման հաջորդ օրվանից։
Ռոզա Վարդանյան
